分手後，遇上你: 會有更好的

「你呃我？乜你覺得咁樣做好好玩咩？呃小陣我會死嫁吓？」我好嬲咁鬧Jessica，而佢竟然繼續保持微笑咁望住我，我心諗:小喇叭，比人話唔係應該唔開心既咩，點解佢仲會笑得出呢，一定有古怪。我好疑惑咁望住佢「你係到笑咩野？」
「我笑你明明仲中意我，但又要扮曬cool咁同我講分手，我笑你明明已經話要同我分手，但又每朝係我身邊出現，其實由你分手之後果朝係我屋企附近出現，我就知道你根本係到講大話，講一個連你自己都呃唔到你自己既大話，丫k，我問多你一次，你愛唔愛我？」Jessica講完呢番說話就靜左，而且我都靜埋，因為我唔明點解Jessica會發現到我既存在，而且點解佢會知道我係到講大話，「你點解會知道我係你屋企附近出現，照計你冇可能睇到我嫁啵？」我始終忍唔住問Jessica，但佢竟然用一種好強勢既眼神望住我，「你咪係到扯開話題，講，你到底愛唔愛我，你試下再扯開，你咪洗指意我再理你！」Jessica好惡咁望住我講，媽的，從未見過佢咁惡既，都係温柔既佢好啲，「得得得，我答，我答，唔好扯嬲火，我認我係愛你，但有咩用，我保護唔到你，你又明唔明，如果我保護到你，你就唔會比人圍啦，我保護到你，就唔會令你咁擔心我啦，連愛既人都保護唔到，何來談愛丫？我之所以咁做，只係覺得如果我離開左，你會揾到個更好既姐。」