《嗰晚，女神竟然攻擊我嘅Coin Master村莊》: 攻｜attack

(…)
 
和期待後天的到來。
 
「喂，軒哥你到咗沙田未？」耳筒傳來嘉盈的聲音。
 
「轉個靚彎就到！」我說。
 
「你好嘢啊！約我出嚟攞返自己啲嘢重要遲到！」她說。
 


「得喇！最多陣間請你食好嘢！」我笑說。
 
「你再遲就唔止要請我食好嘢！」嘉盈說。
 
「咁要點？」我笑問。
 
「唔知！總之快啲！」她說。
 
當然我亦加快腳步走往她所在的位置，至於為什麼我會遲到，待會你們就會知道。
 


「軒哥！遲咗十五分鐘！」她指著她的手錶說。
 
「得得得，陣間請你好嘢嘛！」我笑說。
 
「食咩都冇用！」她說。
 
「咁如果加埋禮物呢？」我笑問。
 
「咩禮物？」看著兩手空空的我，她感覺有點奇怪。
 


「我係話，如果！」我笑說。
 
還是保留一點神祕感較好。
 
「咩嚟㗎！」不過嘉盈像是看穿了我似的繼續追問。
 
「食嘢先喇！好肚餓～」我還是迴避她的問題。
 
「哼！你好嘢！」她說。
 
「我知附近有間酒樓唔錯，去唔去試吓？」我問。
 
「哼！」她說。
 
「嚟喇美女～」我說。


 
「冇美女！」她說。
 
「有美食！行喇～」我拉著她的手向前走，她沒有拒絕。
 
有人說，面對生氣時的女生應當如何是好，有人會覺得放任她生氣就可，亦有人認為要主動說一些話氹她，但我認為最重要的是要陪在她的身旁，至少我認為是最有效的。
 
幸好嘉盈不是太過麻煩的女生，不一會她又回復跟以前一樣，當然我知道這次遲到也不是太大的犯錯。
 
「軒哥，冇介紹錯喎！」她笑說。
 
食物確是不錯。
 
「好食就得喇～」我說。
 


「係呢，點解要約沙田嘅？」她問。
 
「冇，近你嘛～」我說。
 
事實當然不是如此。
 
「近就近，但冇咩嘢行呢...」她說。
 
「行街，或者行下博物館囉～」我笑說。
 
「但去博物館要行好遠喎，重要咁熱…」她說。
 
「所以～」我笑說。
 
「行街！」嘉盈說。


 
然後我和她就在沙田的不同商場之間遊走，逛街成為了我們相處的一個藉口。
 
「嘩，原來成六點幾，我要走喇～」嘉盈說。
 
「知喇，六點鐘嘅睡公主～」這是我給她取的名字，因為和她外出，總是會在晚飯前完結。
 
「頂你！我都知你好想同我食晚飯㗎喇！」她笑說。
 
「都係㗎～幾時賞面先！」我笑說。
 
「唔知呢～不過我要行喇！」她說。
 
「你係附近行下先？我想去一去洗手間先，轉頭一齊走。」我說。
 


「好喇～」她說。
 
當然，我不是去洗手間，而是去將在一早放在商場儲物櫃的禮物拿出來，那是一隻大的「奸夫」毛公仔和一隻特別的出奇蛋，這亦是我為何選擇在沙田見面的原因。
 
「喂～比你㗎！」我拍拍嘉盈的膊頭，然後將那個裝著奸夫和出奇蛋的袋子遞給她。
 
「嘩！都估到你㗎喇！」她說。
 
之後她將袋子打開。
 
「嘩嘩嘩！你又知我鍾意奸夫嘅，重要係我最鍾意嗰隻兔仔！多謝你啊！」她興奮得不知所措。
 
「唔止～」我說。
 
「出奇蛋，你邊到買㗎？依家冇哂依隻舊版㗎喎～」她問。
 
「唔知呢！不過依隻出奇蛋嘅禮物比較特別！」我說。
 
「古古惑惑～咩嚟㗎！」她問。
 
「你返到去拆咗咪知囉！」我說。
 
「又好！不過都要多謝你，隻奸夫我好鍾意～」她說。
 
「鍾意就得喇～」我說。
 
她就這樣開心的捧著那隻露出了整個耳朵的奸夫回家，一路上吸引了不少途人的回望。
 
「今日多謝你啊～估你唔到都幾有心思！」嘉盈說。
 
「小事喇，講咗話要補償你㗎嘛！」我說。
 
「點都好，份禮物我好鍾意～」她說。
 
「你記得拆埋嗰個出奇蛋喎！」我說。
 
「知喇！我走喇～」然後她就轉身走進大堂。
 
離開的路上，我不斷回想她剛才雀躍的反應，而心裡亦盤算著…
 
「這應該是一個好的預兆吧～」
 
 
好朋友只是朋友 還是朋友 不能夠佔有 好朋友瘋狂以後 就一個人走 無所求 好朋友只是朋友 只能保留 一點點溫柔 我知道什麼時候回頭 不打擾你的自由 － 好朋友只是朋友

歡迎大家follow我ig：9.shoots，果邊同連登會更新得快啲，同埋會容易覆到大家嘅留言，大家嘅follow同like都係我寫落去嘅動力嚟㗎！！！！

P.S. 更新情況睇進度，應該會每日更新，除咗星期六日，聽日見！