《嗰晚，女神竟然攻擊我嘅Coin Master村莊》: 擊｜hit

(…)
 
「這應該是一個好的預兆吧～」
 
還記得昨天的我花了許多時間將那出奇蛋打開，然後將寫滿了字的紙條放進蛋內，內容是關於我對她的感覺，然後再小心翼翼的將蛋封好。我想，這點心意她應該會明白吧…
 
可是世事又怎會盡如人意…
 
回家的路上，我一直在幻想她打開那隻出奇蛋的表情，到底是開心，還是失望。何以我會用幻想？是因為她在線上已經消失了很久。
 


「冇事嘅，佢應該係同屋企人食緊飯，唔得閒應我姐…」
 
「但係佢平時上到去都會即刻應我…」
 
「咁可能今日有啲事忙緊，先應我唔到姐…」
 
「定我份禮物嚇親佢？」
 
「可能佢只係需要時間諗下點覆我…」
 


「又或者佢需要諗下點拒絕我…」
 
內心交戰不能幫助我解決此刻糾結，漫長的等待更是加添了我內心的不安。
 
終於，在我洗澡後，看到手機顯示著未讀的短訊，是她。
 
「多謝哂喎🤪」嘉盈說。
 
「拆咗喇？😂」我問。
 


「拆咗喇，估你唔到咁有心思😌」她說。
 
「話時話，你點整㗎？」她接著說。
 
「過程唔重要，最緊要你開心同明我講咩姐😌」我說。
 
我想，她應該明白吧？
 
「講依啲嘅咩🤪」她說。
 
「隻奸夫正啲，真係好好攬啊😚」她巧妙的將話題帶走。
 
「無視我㗎😤」我希望得到她的直面回覆。
 
「我揀咗好耐㗎喇！」我說。


 
「嘻嘻，唔知呢🤪」她回覆。
 
就這樣，那隻花了我半天弄的出奇蛋完成了它的歷史任務。
 
「好少見你咁有心思喎～」啊宜在電話的另一邊說。
 
對的，當刻思緒混亂的我，打了給啊宜，跟她說了這幾天發生的事。
 
「屌你喇，重講依啲，我真係諗唔明佢想點…」這個問題的確令我很困擾。
 
「我維持早兩日嘅判決，佢當你只係朋友，或者你所講嘅Soulmate。」啊宜依舊說得坦白。
 
「所以你覺得佢從來都對我冇feel？」我疑惑。
 


「咁不如你試吓舉個例證明下？」啊宜問。
 
我頓時語塞。
 
「你明我講咩？」啊宜問。
 
「所以作為女仔，你覺得佢從來都冇鍾意過我？」我問。
 
「我唔係佢，依方面真係答你唔到…」啊宜的確十分理性。
 
「但如果照我咁睇，佢未必係對你冇好感，又或者你係佢其中一個認為可以發展嘅對象，而佢重有得揀。」啊宜接著說。
 
「如果你認為可以，又接受到嘅，可以等吓佢嘅～」最後告訴我現在唯一可以做的事情。
 
等待，看似簡單，聽來容易，但箇中所受的煎熬和辛酸，又有誰人可以忍受？


 
「所以你嘅決定係？」啊宜問。
 
「…」我沒有回答。
 
或許讓時間證明就是最好的答案吧。
 
「出奇蛋事件」之後，嘉盈依舊如往時一樣，沒有踏前一步，卻也沒有後退，相反我卻早已踩過了那條不可逾越的界線。
 
「軒哥，你依排搞咩？」啊生問。
 
「冇…冇啊～」我盡力展現出勉強的笑容。
 
「你咁嘅樣，即係同嘉盈果到有阻滯喇～」啊生說。
 


「唉，我都唔知…」我的確對此很苦惱，但心底裡是明白的。
 
要是你要我形容此刻的狀態，那我就是一部早已全速前進的火車，拋掉了制動，卸下了煞掣，只等待最後撞山的一刻。
 
在啊生的再三追問下，我還是告訴了他我現在的情況。
 
「嘩…」明顯啊生解決不了我的煩惱。
 
「算喇，等吓喇…」我苦笑。
 
「如果我係你，我就唔會等～」啊生說。
 
我抬頭看著他。
 
「如果真係照你咁講，個情況去到咁差嘅，咁不如一了百了，直接同嘉盈表白，等佢拒絕你喇…」啊生說。
 
「即係我覺得你就算等，都唔應該係咁樣等！」啊生接著說。
 
「咁應該點等？」我問。
 
「你唔係話你地好夾，soulmate嘛？咁咪用依個角色囉。」啊生笑說。
 
啊生看似戲言的一番說話，卻意外的指引我另一條出路。
 
「的確，與其咁樣落去，不如做返朋友，咁樣至少大家關係可以對等啲…」我想。
 
心動不如行動。
 
「喂，聽晚得唔得閒？」
 
 
我想要 安靜的思考 天平上 讓愛恨不再 動搖 一想你就平衡不了 我關燈還是關不掉 這風暴 心一跳 愛就開始煎熬 每一分 每一秒 火在燒 燒成灰有多好 叫思念 不要吵 我相信我已經快要 快要把你忘掉 跟寂寞 再和好 － 煎熬

歡迎大家follow我ig：9.shoots，果邊同連登會更新得快啲，同埋會容易覆到大家嘅留言，大家嘅follow同like都係我寫落去嘅動力嚟㗎！！！

P.S. 更新情況睇進度，應該會每日更新，除咗星期六日，聽日見！