《嗰晚，女神竟然攻擊我嘅Coin Master村莊》: 嘅｜as

嘅｜as
 
(…)
 
就這樣，我以後和她之間會就此告一段落，但世事總是預計不了，同時亦控制不了…
 
「所以，你果陣就係咁樣同佢完咗？」坐在我對面的啊宜問。
 
此刻，我和啊宜坐在尖沙咀的一間酒吧，藉著微醺訴說著我這個小小的故事。
 


「睇你對完咗嘅定義係～」我笑說。
 
「即係你表白嗰晚之後，重有聯絡？」啊宜問。
 
對了，那晚表白之後，我沒有再跟啊宜說過我和嘉盈的事，也許是因為我以為和她的事情會告一段落，只是…
 
「嗰晚之後隔咗一排，我就知佢同咗佢話鍾意嘅男仔一齊，即係依家嘅男朋友。」我說。
 
「然後佢畢咗業之後，就去咗台灣讀書，佢男朋友都好似一齊去。」我接著說。
 


「你依個Stalker！」啊宜笑說。
 
「唔係囉，佢同我講嘅～」我說。
 
「你地都重有Keep住聯絡？」啊宜問。
 
「唔叫Keep嘅，我同佢係得閒會傾吓計嗰隻。」我說。
 
「軒哥果然有料～」啊宜說。
 


「咁我同佢真係好啱傾嘅，但真係唔算密，一年都係一、兩次咁。」我說。
 
「好似有年，佢放暑假返咗香港，然後咁啱係街到見到，就開始message傾返大家嘅近況。但依六年入面，我同佢都冇真正約過出嚟，或者大家都明白，佢唔係單身，有啲嘢唔應該做。」我接著說。
 
「所以依六年入面，你都好清楚佢嘅事，包括佢同佢男朋友？」啊宜問。
 
「都可以咁講～」我笑說。
 
的確，嘉盈和她男朋友這六年間出現的大部分感情問題，我都是知道的。
 
「咁點解依六年嚟你都唔會問我，今次又會？」啊宜好奇的問。
 
啊宜說出了我苦惱的地方。
 
「我啱啱咪講，依六年入面，就算佢返咗香港，又或者我係台灣，都唔會約大家出嚟，但今次佢想約我…」我說。


 
對了，嘉盈那晚攻擊我的村莊後，跟我聊了一整晚，然後說約出來再談，原本以為只是說說而已，但翌日她竟然主動問我什麼時候有空。
 
「你困惑嘅位係？」啊宜問。
 
「即係咁多年嚟，大家都冇約過出嚟，點解今次會約？」我說。
 
「同埋佢嗰日講，如果當初唔係揀佢，係揀我…依句又點解？」然後我說出最困擾我的地方。
 
「算喇，你諗咁多做咩姐～」啊宜說。
 
「你依家單身，佢就雖然有男朋友，但我覺得大家朋友出嚟食過飯，又冇咩嘢姐～」啊宜接著說。
 
啊宜沒有再延續我所煩惱的問題，而是直接告訴我應該用什麼身份去面對。
 


「你都啱嘅，我同佢都只係朋友～」我說。
 
「唔好諗咁多喇，到佢真係同佢男朋友散咗，你再諗同佢點都未遲。」啊宜說。
 
「同埋正如你都同佢講，有啲嘢冇如果，你都有選擇嘅權利，唔係佢出現返，你就一定要同佢一齊，即係我指如果。」啊宜說得坦白。
 
「都係嘅～」我說。
 
「咁你地約咗幾時出嚟？」啊宜問。
 
「聽晚…」我說。
 
我想起六年前，那時希望可以和她一起吃晚餐的願望，終於可以在明晚實現。
 
「咁快手…睇嚟佢都真係好sad喎。」啊宜說。


 
「都係，因為我咁多年，都未試過見到佢咁…」我說。
 
「點都好喇，你要記住，聽晚係用朋友身份去見佢，唔好諗多，ok？」啊宜再一次強調。
 
「知喇！之後嘅嘢再算喇～」我說。
 
只是，我說中了開頭，卻猜不到結尾。
 
 
你我的戀情也一場錯摸 擦出火花不算多 沉迷易惹人犯錯 我愛無可愛又有錯麼 我到底寂寞過剩 才謝絕冷靜 多麼想以眼淚換來同情 日日算命 如命中注定 一堆虛構溫馨 是我敏感 誤會戀愛降臨 從未發生 交不出初吻 從來沒有 情人會行近 日落黃昏 誤會你有心 日夜苦惱自尋 想得近 卻遠得過份 無聊像我 無聊當緣份 亦是吸引 我也許孤獨到熄滅了燈 覺得彼此抱得更親 － 一場誤會

歡迎大家follow我ig：9.shoots，果邊同連登會更新得快啲，同埋會容易覆到大家嘅留言，大家嘅follow同like都係我寫落去嘅動力嚟㗎！！！!

P.S. 更新情況睇進度，應該會每日更新，除咗星期六日，聽日見！