《嗰晚，女神竟然攻擊我嘅Coin Master村莊》: 我｜myself

(…)
 
「喂，聽晚得唔得閒？」
 
「做咩先😏」嘉盈不一會就回覆了我。
 
「冇啊，想約你出去食飯。」我說。
 
「聽晚，我睇吓使唔使同屋企人食先☺️約得咁急，有事發生？」她問。
 


「都唔係嘅，聽晚你咪知囉😬」我說。
 
「懶神秘咁😂我再覆你喇！」她說。
 
然後，在未和嘉盈約定任何時間地點的情況下，我便著手準備自殺式表白的程序。
 
「嘩，軒哥你嚟真？」啊生看著我在書枱上埋頭苦幹，便走來好奇一下。
 
「唔...」我沒作太多的回應。
 


「喂...我啱啱講下咋，你真係決定咁做？」啊生問。
 
「咁唔係可以點？」我問。
 
「等？」啊生說。
 
「我唔係唔想等，不過每次傾到嗰個話題嘅時候，佢都會選擇性逃避...」我說。
 
其實我也想選擇等待，只是我找不到讓我作出這樣決定的理由。
 


「但你甘心咩...之前所有嘢就咁付諸流水？」啊生問。
 
「都唔到我控制...」我說。
 
的確，現在的決定權不在我的身上。
 
「又或者個結果，唔係我同你諗咁呢？」我苦笑。
 
啊生聳聳肩，表示不可置否。
 
「碌柒咗之後，搵我飲酒喇～」之後就這樣拋下這一句。
 
兄弟，在心中！
 
「Sorry啊，我聽日都係要同屋企人食飯😭」嘉盈在稍後時分告訴我。


 
「唔緊要喇，食完飯落一落街ok？」我問。
 
因為我不打算再拖延下去。
 
「嘩，你講到咁急，咩事啊？🤨」她說。
 
「冇啊，有啲嘢想比你。」我說。
 
「咩嚟㗎？」她問。
 
「到時你咪知囉～」我說。
 
「又係咁，懶神秘…」她說。
 


「我聽日係屋企食飯，食完飯應該八點幾，到時樓下等？」她問。
 
好奇心果然是一件難以抗拒的事物。
 
「好，我聽日預依個時間出嚟！」我回應。
 
當人已為即將發生的事情作了一個最壞打算時，心情反而沒有當初的忐忑不安，至少那晚是我近一個月以來睡得最好的一晚，仿佛回到未認識嘉盈的那時。
 
翌日下課後，我較過往的週末早了一點回家，然後與家人共進晚餐後，便草草出門。
 
「喂，我食完喇☺️，你係邊啊？」嘉盈問。
 
「係你樓下附近～」我說。
 
「okok，係我樓下等。」她說。


 
數分鐘後，我便看到她的身影。
 
「咩事先～」她問。
 
「陪我行吓先喇～」我說。
 
「睇嚟有大件事喎？」她說。
 
「唔知呢～」我笑說。
 
沒有原因，只是每當我看著她的時候，總會硬不了心腸。
 
我就這樣，和她聊著天，走到那條城門河的旁邊。
 


然後我將那封放在我小袋的信交給了她。
 
「咩嚟㗎？」她問。
 
「我想對你講嘅嘢～」我說，然後坐在那條城門河邊。
 
「唔…」她沒有回應，我想她應該大概知道信的內容。
 
「我從來都唔係一個善於言辭嘅人，手寫嘅文字應該會表達得清楚啲～」我說。
 
「咁我諗你應該知道我最怕嘅係咩？」她說。
 
「怕跨出界線，進入了禁飛區…」我哼出那首代表著我們的歌。
 
這是事實，還是一個逃避的藉口？
 
「無私的愛超出愛侶，身邊，數百萬一雙一對，和你是唯一的一對…」她接著說。
 
跟啊宜說的一樣。
 
「我知道你嘅答案喇～」我說。
 
「Sorry…」她說。
 
「傻喇～我明有啲嘢冇得勉強…」我說。
 
那晚，我目送她的離開，打算就這樣結束這段意外的感情。
 
「喂，我睇咗你封信喇…」回家的路上，我收到她的短訊。
 
「😊」我想不到如何回應。
 
「我明，但我真係依一刻做唔到…」她說。
 
「因為唔鍾意？」我問。
 
「唔係…」她說。
 
「係因為我有鍾意嘅人…」然後狠狠的道出真相。
 
「所以我先希望我同你可以係永遠嘅朋友…」她接著說。
 
「我唔肯定，我做唔做到…」我亦向她坦白。
 
「明白放過你是放過自己…」她說。
 
「好冇？」
 
就這樣，我以後和她之間會就此告一段落，但世事總是預計不了，同時亦控制不了…
 
 
是我太過愛你 願意放生你 無謂你抱陣我也這麼的晦氣 我亦算知醜 無謂強迫你 難道要我對著你句句要生要死 就當愛錯了你 就當放生你 無謂你說話裏有這麼多怨氣 我就放開手 無謂再忍你 明白放過你是放過自己 這個道理 － 放生

歡迎大家follow我ig：9.shoots，果邊同連登會更新得快啲，同埋會容易覆到大家嘅留言，大家嘅follow同like都係我寫落去嘅動力嚟㗎！！！！

P.S. 更新情況睇進度，應該會每日更新，除咗星期六日，星期一再見！