《嗰晚，女神竟然攻擊我嘅Coin Master村莊》: 我｜myself

(…)
 
「如果有得比我揀，我寧願嗰日咩事都冇發生過～」我說。
 
為何我會這樣說，這就要將時間倒退到那晚。
 
她到我家的那晚之後。
 
我潛意識將自己定位為她的男朋友。
 


在她回去以後，我們的通話及訊息比以往更多、更密，基本上只要他不在她的身邊，我和她都會聯繫。
 
甚至，我和她相處的時間，比她和他還要多。
 
只是這樣一來，我更不能自拔。
 
而且要求更多。
 
「如果你唔係等佢半年就好喇～」我說。
 


「你又嚟喇～」她說。
 
對了，我都數不清到底說了多少次。
 
「我想快啲同你一齊嘛～」我說。
 
的確，那晚後，我比以往更主動，希望可以盡快取得一個認可的身份。
 
原因是希望和她的性關係，是建立在一個正確的身份之上。
 


可惜有時候，你愈捉得緊一個人，那個人溜走得更快。
 
「半年嘛～」
 
「我知你唔想搞到嗰晚我同你好似FWB咁～」
 
「但我冇問題嘅～」
 
「就當係飲醉酒喇～」她說。
 
當然，每一次她亦會安慰我，只是在我感覺，這都是她逃避的藉口。
 
「唔…」啊宜坐在我對面沉思。
 
「或者，我同佢係咪唔應該再見？」我笑問。


 
我開始有點明白，為何錯的開始，必然不會帶來好的結尾。
 
「軒…」
 
「唔好介意我咁講…」啊宜說。
 
相信她已經是組織完畢。
 
「你講？」我說。
 
這一刻的我，很需要一個局外人的意見。
 
「我唔否認佢鍾意你，你都應該Feel到～」
 


「就好似你講嘅，佢會飛返香港搵你，會願意相信你，同你上床。」
 
「但如果將你同佢男朋友放埋一齊去講。」
 
「佢會將佢男朋友放得高過你。」
 
「即使去到依一刻都係。」啊宜說。
 
「點解？」我問。
 
這是困擾著我心中已久的問題。
 
「首先，佢地一齊咗六年，依個唔係一個短嘅時間。」
 
「再者，你嘅出現，的確可以填補到佢男朋友對佢嘅唔好。」


 
「但係，你亦都填補唔到佢男朋友比到佢嘅嘢。」
 
「即係，有人話錢係萬惡，咪又係個個都去搵～」
 
「你明唔明我講咩？」啊宜說。
 
「我明嘅～」
 
「我係我，我永遠取代唔到佢依家嗰個～」我苦笑。
 
「不過佢又係衰嘅，唔同你講～」
 
「或者佢覺得，依一刻既然兩個都係到，不如Keep住先～」
 


「所以佢短期內唔會有咩行動住～」啊宜說。
 
「如果我唔想再係咁呢？」我問。
 
「軒哥，方法其實一直都係到，你亦都好清楚，不過只係做定唔做～」
 
「飲杯喇～」啊宜笑說。
 
那一段時間，我曾經以為買醉可以解憂。
 
不過事實是，醉了，問題仍在。
 
和啊宜那晚喝醉以後，我沒有再接觸酒精。
 
直到嘉盈在十一月再次回港前。
 
記得那晚，是她準備再從香港回到台灣的前夕，我和她跟一些朋友喝得酩酊大醉。
 
終於，她駛開了朋友，單獨送我回家。
 
我知道，這是我行動的最後機會。
 
 
妳曾說不想有天讓我知道妳對他有那麼好
妳說會懂我的失落不是靠寬容就能夠解脫
 
我以為我出現的時候剛好妳和他正說要分開
我以為妳己對他不再期待不縱容他再給妳傷害
 
我以為我的溫柔能給妳整個宇宙
我以為我能全力填滿妳感情的缺口
專心陪在妳左右彌補他一 切的錯
也許我太過天真以為奇蹟會發生
 
他讓妳紅了眼眶妳卻還笑著原諒
原來妳早就想好妳要留在誰的身旁
我以為我夠堅強卻輸得那麼絕望
少給我一點希望希望就不是奢望
 
－我以為

歡迎大家follow我ig：9.shoots，果邊同連登會更新得快啲，同埋會容易覆到大家嘅留言，大家嘅follow同like都係我寫落去嘅動力嚟㗎！！！

P.S. 更新情況睇進度，應該會每日更新，除咗星期六日，聽日見！