《嗰晚，女神竟然攻擊我嘅Coin Master村莊》: 們｜us

(…)
 
我知道，這是我行動的最後機會。
 
將我送到房間後，她坐在我的身旁。
 
「嘉盈？」我說。
 
「做咩？」她撥亂著我的頭髮說。
 


「如果…」
 
「有一日我消失係你生命入面…」
 
「你會點？」我說。
 
「你醉喇～」
 
「瞓陣喇～」她摸著我的頭說。
 


「我真係想知…」我說。
 
「你今日做咩咁奇怪…」
 
「我好少見你係我面前飲醉…」
 
「你係咪有咩唔開心？」她躺在我身旁，略帶關心的問。
 
「我只係有時係到諗…」
 


「依家嘅日子，重可以維持有幾耐…」我邊說邊撩動她的長髮。
 
「乖喇～比多少少時間我喇，好冇？」她說得真摯。
 
但對我而言卻是無盡的煎熬。
 
「或者當初，我地唔應該見返…」我說。
 
「你後悔？」她問。
 
「我明，做咗嘅嘢冇得後悔…」
 
「不過總係控制唔到自己嘅諗法…」我說。
 
「我都明…」


 
「可惜依一刻，我真係應承唔到你咩…」
 
「至少，係我處理好同佢嘅關係之前…」她說。
 
「我…」
 
「明白…」
 
「但嗰晚之後，我就好想快啲比個身份你…」
 
「我唔希望我地嗰晚只係一時嘅激情…」
 
「你明唔明？」我說。
 


「唔…」她默不作聲。
 
她的沉默成為了我們之間一度無形的磚牆。
 
「所以，你其實係有答案？」我問。
 
同樣的問題，但這次不再是通過電話，而是面對面。
 
「你比啲時間我好冇？」她說。
 
「我明你需要時間…」
 
「但我真係睇唔到有咩進展…」
 
「感覺上你只係拖…」


 
「同一時間，我同你，同埋你同佢…」
 
「你可唔可以都體諒下我？」我說。
 
「所以…」
 
「你今日係想同我講…」
 
「你唔會再等？」她問。
 
「我只係諗…」
 
「既然我地咁樣落去冇結果…」
 


「不如嘗試回歸原點…」
 
「或者我地之後有一日再重遇…」
 
「到時可以真正幸福咁一齊…」我說。
 
既然找不到適合我們前進的道路，不如回歸原點，重新審視一下，我們應該如何開始。
 
「唔…」她說。
 
那一次，我依舊在機場目送她的離開，還記得那天是十一月二十八日。
 
「所以嗰日之後你地就有再聯絡？」啊宜問。
 
「啊，你今晚係嚟攞手信定食花生？」我笑問。
 
對了，翌年一月，我和一些朋友去了台灣。
 
不是為了找她，而是去探一些朋友。
 
「兩樣都要～」啊宜笑說。
 
「嗰晚送完佢去機場之後，我就Block哂佢電話同埋IG。」我說。
 
「軒爺係勁嘅，一做就咁決絕！」啊宜笑說。
 
「你講㗎嘛～」
 
「既然咁樣落去都冇結果，不如置之死地而後生～」我說。
 
「咁嗰陣都真係睇唔過眼～」
 
「我諗唔止我一個同你咁講～」啊宜說。
 
的確，有不少朋友都認為我應該及早抽身，始終大家都不太看好這段關係，除了我自己。
 
「係喇～」
 
「最叻係你地喇～」我笑說。
 
「你都未答我！」
 
「你地最近有冇聯絡姐？」啊宜繼續追問。
 
有時候，真的不可以少看女生的直覺。
 
「我咪話，我Block咗佢嘅～」
 
「點知係桃園機場，打算搭飛機返香港嗰陣，我收到一個電話。」
 
「佢打嚟？」啊宜問。
 
「唔係…」
 
「係佢個Best Friend係美國打嚟…」
 
「同我講佢同佢男朋友，啱啱分咗手…」
 
「情緒好唔穩定，想我過去陪佢…」我說。
 
「咁你點？」
 
「我曾經有諗過好冇去搵佢…」
 
「但如果嗰刻我搵咗，就係做咗水泡…」
 
「所以我唔想...」
 
「之後佢同我講，叫我解Block佢…」
 
「出於朋友嘅立場，我應承咗…」我說。
 
「你條友，都係決絕唔到～」啊宜說。
 
「睇下點～」我笑說。
 
只記得，數個月後，嘉盈的IG上載了一張拖手的Story。
 
或許我們仍在等待，那個起點的到來。
 
（完）
 
等我飲醉酒
你要解釋 等我飲醉酒
我也許不會深究
隨時重獲你自由
 
不要牽我手
大局已經 沒權利左右
沒意見 沉默地退後
 
誰願意證實有沒有
寧願在黑暗中顫抖
難道要 乞討的愛
分點給我 知不知醜
 
如果愛你要放下自尊
不必了 我沒埋怨
明日我 如常過
沒想起你丁點
如多了我會變混亂
不打攪了 我知分寸
離別你 無限遙遠
即將一切訊號都中斷
 
如果愛你要放下自尊
不必了 我沒埋怨
明日你 成為我
舊記憶那污點
如多了我會變混亂
不必給我 這些溫暖
離別你 無限遙遠
今生今世我們都不見
 
－永遠飛行模式

下星期一出多少少後話！多謝大家支持🤣

歡迎大家follow我ig：9.shoots，果邊同連登會更新得快啲，同埋會容易覆到大家嘅留言，大家嘅follow同like都係我寫落去嘅動力嚟㗎！！！