我叫張元中，我個妹叫張元英（失敗作，爛左尾，貼上黎做record）: 10

10.


「吓，林sir話你唔夠體能...其實都啱既！」


第二日lunch time,我將呢件事同田鼠同大師兄講


「中仔你年年pe堂考體識能都淨係跑得十幾個圈，係我好人先幫你加到上25咋」







「其實林sir咁講得，唔係代表左，其實佢都想你踢到正選咩？」



「吓...?」







「大師兄有point喎！係囉，林sir同你咁講得，即係話佢覺得你練好體能既話就踢到正選囉！」丫呢個時候田鼠又附和大師兄喎



「真係咩...但練跑...好悶姐...」


圍住個田徑場跑，對我黎講真係頂唔順






「你地...」




「嘩不了不了！」


田鼠馬上耍手擰頭：「我仲要返去補習，不了！」



「我都唔得呀，區隊要練習...」








「估到你地啦仆街仔...係喎」


我將沾滿姜蓉既叉燒放入口中：「田鼠，果日我個妹講起你喎」



「講我？講我啲咩呀？係咪話我好靚仔呢...」真係唔明，點解田鼠仲講得出口話自己靚仔



「佢話你個樣好核突，仲好撚變態咁成日望住佢」







「無可能！我咁靚仔！你個妹點會話我核突！你分明想離間我同你個妹！」田鼠激動得差啲噴飯



大師兄拍拍田鼠膊頭


「算啦田鼠...咁你真係...唔靚仔喎」



「屌你痴撚線！同你呢啲男神比緊係唔得啦，我同中仔比呀」







「屌你啦...」




食完飯後，我地三個行住樓梯返上五樓


「唉食飽飽，做咩好呢？...咦？」







班房外面，出現左一個從未見過既女仔


戴馬尾，戴副圓框眼鏡，皮膚白白地


雖然少少娘，但都算ok，唔係叫豬西



「唔該，我想問下...」




「你地班係咪...有個叫張元中既同學呀...」




「咪佢囉！」田鼠同大師兄同時指住我





「哦...原...原來就係你呀？」果個四眼妹問


「吓...但係我唔識你架喎...」



個四眼妹拎起手上既紙


「miss to...要我...下次作文...要介紹你呀」




果張，就係叫元英幫我寫既果份作文！！！


miss to你想點呀！！！！