我一見到佢,岩岩諗好唒嘅所有plan好似全部都唔記得唒咁。曾經有人問過我係傾向一見鍾情定日久生情,我諗都冇諗過就答咗一見鍾情。我大多數時間都好鍾意憑心去做事,特別係愛情。我承認我咁鍾意佢嘅另一個原因係因為見過佢淫蕩嘅一面,而嗰一面..一直都烙印咗係我心度。

「我前排失戀呀嘛..,所以朋友介紹我過嚟玩」Cherine覆我。
「喔...原來係咁」我都聽James講過。
「你呢?」佢問。
「我?我陪同事嚟嫁炸...,佢地成日都想嚟但係又唔敢自己嚟。有一日無啦啦比佢地捉住咗,就夾埋我嚟...!」我想解釋。
「哦~但係你唔係都岩岩分手咩?咪試下睇下呢度有冇遇到好嘅女仔囉~」佢笑一笑。我心入面諗,呢度最好樣應該就係你。不過我意識到如果個對話再咁落去會有少少不妙,因為如果佢都對我有好感,未必會咁講。而家個情況我有啲驚變咗比人friend zone。
「隨緣啦呢啲,我又唔強求嘅..」我咁答。
「唔係嫁,有時你唔主動,機會就會白白流失咗」佢咁同我講。我想主動呀,但係你會唔會比機會我先..?而我緊係唔會咁講。
「哈哈都係嘅」我尷尷尬尬咁覆,然後我地靜咗幾秒。



「係呢?」我話。
「係呢!」佢同時話。
「你講先啦...」我示意。
「喔..唔緊要呀,你想講咩?」佢問。
「冇呀....我醒起上次件衫好似仲係你度..哈哈..」我講完都覺得自己傻咗。因為咁講好似好小家,會介意冇咗一件T恤咁。但係我講出嚟嘅原意純粹係為咗R水吹,同埋想睇下佢有咩反應。不過有時對住自己想溝嘅人,表現係會差少少。
「喔!係喎,係我度呀~下次我比返你呀」佢話。
「好呀..,唔急嫁!你..你得閒先啦」我話。
「下次..或者可以食餐飯呀~」
「好呀..!!咁你都可以順便拎埋件衫比我」我完全冇諗過佢會約我。而家嘅我,當然係心入面暗爽緊,甚至乎已經幻想緊食完飯再落下場.....。唉,不過我都係唔好FF咁多,雖然自問個樣都唔差,但都未至於溝死女嗰種。


「一於咁話~」佢笑一笑。望住佢笑,個人真係會好開心。佢嗰種笑係有種令人迷戀佢嘅魔力,真係好吸引,對我嚟講係完全冇辦法抗拒。

對於已經完成咗目標嘅我,之後同佢傾計嘅時候都冇咁緊張,因為我知道我地會再見面。同異性相處嘅時候如果一開始將佢地當成朋友咁溝係絕對冇問題,但最大問題係佢地習慣咗朋友呢個身份,最後就會多咗個溝唔到嘅朋友。所以我同Cherine嘅對話慢慢自然咗之後,我都嘗試加少少Flirty啲嘅字眼去試探下佢嘅反應。
「而家都好多人開呀..,我個fd都開咗間網店賣衫,但佢地好似未搵夠人去做model」Cherine同我傾緊開IG shop呢個潮流。
「你去做咪得囉~」我話。
「唔係啦..,我邊有人地啲KOL咁靚,佢地好多Follower嫁!」 佢話。
「下唔係喎,真心,你點睇都靚過佢地啦~」傾耐咗我都開始大膽少少。
「哈哈係咩,多謝你~」佢好甜咁笑咗一下。
「真心嫁!唔係氹你開心,我好客觀嫁~」我笑住講。
「得啦得啦..!再讚我會囂嫁..!」佢有少少怕醜咁講。


「哈哈好啦,咁你囂啦~」我話。
「喂也..!頂你...搞到好尷尬...」佢話。但係我好鍾意睇佢呢個尷尬樣。
「哈哈!好啦好啦唔講啦~」

同佢傾計呢斷時間真係好幸福,我feel到我地兩個之間嘅距離拉近咗好多。淨係呢十分鐘,我已經覺得今次嚟係值回票價。我好投入同Cherine 傾計,投入到完全唔理出面發生緊啲咩事,連James打咗比我好多次我都冇聽到。

越望越住佢對眼就覺得佢真係好靚,靚到我根本唔會再想望其他人,佢就係有呢一種魅力。

仍然想講 我第一句
我的雙眼裡 尋找到美麗之最
  
已有 0 人追稿