我怎可能是女神👸🏻獵人🏹（第一季更新至斷更為止）: Twenty Third

Q：「喂，交叉仔！」
我：「嗯…做乜呀…Queen…QQ。」
Q：「好夜喇，就嚟十二點，你重唔沖涼瞓覺？」
我：「嗯…我咪瞓緊覺囉。」
Q：「吓，你諗住唔沖涼喺度瞓到聽朝返學呀？牙又唔擦，蛀牙你就知味道！」
點解我好似多咗個家姐或者阿媽咁嘅…
我：「唔係呀，而家咪去囉，唔要蛀牙…」
Q：「你真係自由自在㗎喎，想點就點咁。」
我：「係呀，屋企無人就係咁㗎啦，我而家落街玩都重得呀。」
Q：「呢個鐘數落街可以有乜做？」




我：「唔知呀…落去便利店打下書釘，買兜燒賣食，整杯思樂杯翻斟幾次，去公園睇下有無老泥妹喺度打躉，上去最高嗰層吹下風望下夜景…唔驚俾人趕嘅話可以去機鋪玩到兩點，但遇著查牌就大鑊，都唔知搵邊個接我好。」
Q：「你嘅生活都幾多姿多彩㗎喎…」
我：「係呀，而家妳都可以咁喇。」
Q：「我先唔制呀，都無興趣…雖然而家settle咗喺度之後好似有啲無聊。」
我：「吓，無聊，點解呀？」
Q：「無呀，以前放學放假我好多時要補習，學琴，興趣班嗰啲，通常聖誕節重要同屋企人行街，出去食下飯，同埋去下旅行咁囉。」
我：「會去邊旅行呀？」我都唔知問嚟做乜…
Q：「聖誕咪去日本韓國，滑下雪浸下溫泉咁囉。」
我：「真係開心，我剩係玩過雪櫃啲雪咋。」
Q：「你未去過旅行咩？其實…而家有廉航都唔係好貴啫，去個台灣都一千唔使。」




我：「又未至於窮到去唔到旅行嘅，但我阿爸行船，本身周圍去，放假先返嚟香港，無理由要佢放假又走㗎，不過佢會喺其他國家買啲手信返嚟咁囉，明信片都一大疊，但其實而家呢啲嘢…上網就睇到晒啦。」
Q：「咁又係，其實去旅行都攰，今年我有得抖下喇。」講就咁講，其實我知佢唔多開心，富家女落難，乜都無晒，食嘢重要睇我面色…唉…
我：「咁我沖涼喇，妳瞓先啦。」
沖完涼出返嚟，個廳已經熄晒燈，Queenie就咁瞓喺張床上面，無房係咁㗎喇，女神睡相任我觀賞，如果佢酣啲我揭開張被伸手入去…都重得；講笑咋，如果佢飲醉酒叫我救佢都話抽下水啫，而家佢咁信任我，我真係做唔出啲傷害佢嘅事。
我打開咗傳說對決，啲friend已經瞓晒，咪ran咗兩場街場玩囉，點知撞正個個都係小學生，一開局秒選法師射手，迫到我要打野同輔助，佢哋玩得屎到吖，輸咗重要賴落我度兼問候我娘親；頂，閂game，真係黑仔到。
點算呢…頭先瞓咗咁耐我又瞓唔著住…
無理由我要折墮到開電筒抄功課㗎…
於是我就打開咗部電腦，較暗咗少少個mon…
好彩部電腦係放喺Queenie床側邊，咁啲光都唔會話直射到落佢張床度，然後我就打開咗嗰個神秘嘅download folder。
再插埋個耳機，咁就萬無一失。




最緊要係放定盒廁紙喺度，黑鼆鼆我唔想嘥心機清理現場。
Click開我心儀嘅file，電腦上面就播住四個水手服女學生喺學校嘅場景，黑長直髮又有，金色短髮又有，孖辮嘅亦得，唔使溝女真係慳返好多功夫。
上樓梯…枱底…男同學出嚟…唔知點解就攬埋一嚿除衫，聽住令人亢奮嘅少女聲音，我都忍唔住左手拉開，右手捉實，練習一下太極招式，長短棍合手格檔術。
喺呢個私人動作武打片劇院前面，立體聲音效掩蓋晒所有環境聲，強烈嘅光暗對比令我留意唔到身邊發生嘅事。
就喺呢一剎那間！我嘅敵人已經化作一個黑影出現喺我左後方唔夠一米之處！