我瞬即由以柔制剛嘅太極拳,變為唯快不破嘅截拳道,講笑啫…
Alt+F4,黑鼆鼆驚㩒錯制…
用滑鼠,情急之下手忙腳亂好難對準個交叉…
唯有用截拳道掌根一嘢擊碎屏幕。
都係講笑啫,係㩒落個制熄咗個mon。
我自知反應太慢,一切都已經太遲,無可奈何之下就喺原位好似尊石像郁都唔郁,實行鴕鳥政策扮到乜事都無,希望Queenie佢會合作啦。
點知佢企咗喺我後面搭住我膊頭…
都重唔夠,重要掹咗我右邊耳隻耳機,烏低身放喺耳邊聽,今次真係仆街了…
「啊吖…啊吖…啊吖…」
Q:「噗哧…你搞乜鬼喎。」


我:「無…無…無嘢呀。」我已經唔知講乜好。
Q:「繼續啦,唔使理我,我都唔想打攪到你…」
我:「點…點好意思喎…」
Q:「怕乜嘢醜啫,我又唔係細路女,呢啲事好正常啫…我都有需要㗎,不過你發現咗要繼續扮唔知㗎,知唔知?我去殊殊喇。」
俾佢咁樣嚇一嚇,出爐鐵都變冰箱雞肉腸啦,得個硬字,無撚用…直頭陰陽失調血脈相沖;聽住廁所入面嘅水聲淙淙,由細聲變為大聲,再變為斷斷續續嘅滴滴聲;屋企有個靚女喺度,而我竟然幹著那檔子的事情,實在係太過羞家了。
懶得處理嗰條脫皮漏汁大蠶蟲,匿上床搵張被冚埋自己就算數…Queenie,其實我好想摸妳,好想俾妳幫,好想熱血沸騰咁發洩晒啲精力出嚟,但係我唔可以,妳止係一個嚟暫住嘅落難右女神,而且重有男朋友。
加埋妳日日喺度,我都唔知點溝女好。
好快,女神都小便完返返上床。
Q:「交叉仔?」
我:「…」


Q:「瞓咗嗱?咪呃我啦,邊有咁快。」
我:「無呀,準備瞓喇。」
Q:「你…完事嗱?」
我:「唔啦…遲啲先。」
Q:「放心啦,我下次見到會匿返上床㗎喇。」
我:「點得喎,忍尿好辛苦㗎。」
Q:「你而家夠忍得辛苦啦。」
我:「無辦法啦…」
Q:「我想問呢,男仔係咪同唔係鍾意嘅女仔都可以做嗰啲嘢㗎?」
我:「妳…想問乜呀…」


Q:「哎呀,唔好要我講咁白啦…係咪即係就算對個女仔無意思,但個女仔肯,都可以同佢曳曳…」
我:「點會無端端有女仔肯喎…我諗男仔都係睇靚唔靚女嘅啫…」
Q:「但係又唔鍾意人哋,做嗰啲嘢唔會好怪咩?」
我:「我諗…靚女就係仔都鍾意㗎啦。」
Q:「如果個女仔好靚女但黑人憎呢,咁重鍾唔鍾意佢?」
我:「鍾意同佢玩…但唔鍾意對住佢掛…就好似想食蝦但唔想剝殼咁。」
Q:「咁如果本身個男仔已經有女朋友呢?」
我:「唔知喎,睇情況掛,男仔都貪心㗎啦…妳頭先明明瞓緊㗎,做乜係咁謦欬。」
Q:「無呀…睇到啲咁刺激嘅嘢,瞓唔返。」
我:「總之我而家無女朋友,唔會有女仔無端端送上門,想自己嚟又俾人撞破,唔好再問我啦…」
Q:「做乜呀,嬲我呀?」
我:「咁又唔會。」
Q:「係呢,你之前個女朋友係點㗎?」
已有 0 人追稿