我:「對上嗰個?」
Q:「有同你曳曳嗰個囉,定係個個都有?」
我:「要睇妳點定義曳曳喎,對上嗰個就肯定有。」
Q:「咁佢靚唔靚女㗎?」
我:「佢…好普通㗎咋,短頭髮屋邨妹一個。」
Q:「咁你又鍾意人哋?」
我:「哎呀,我乜嘢身世呀…如果我係要女神先追嘅話,咁我諗可以去定和尚寺報名。」
Q:「唓,都唔知你哋點先為之鍾意。」
我:「其實我都唔係好知。」
Q:「咁你哋點開始㗎?」


我:「喺青年中心識㗎,越玩越埋,後尾有晚佢睇完我打波,一齊飲咗枝SOMERSBY,見幾好feel…咁咪帶咗佢返嚟囉。」
Q:「咁hea㗎。」
我:「我都唔想追女搞到好似讀書咁辛苦呀,放過我啦,我認我無乜要求,得未…」
Q:「睇嚟夜晚躝街嘅女仔真係好危險。」
我:「咁妳又點呀,富家千金咪又無咗…唔講喇。」
Q:「咁點同喎!係呢,你哋未夠稱點買酒?」
我:「求祈喺球場搵個哥哥幫手都得啦…」
就係咁,我同Queenie喺漆黑嘅深夜,隔住兩張床謦欬,直至唔知去到邊句一齊瞓著。
到咗第二朝起身,我又係鬧鐘未響就俾Queenie啲沖涼水聲嘈醒;都好嘅,睇怕以後都唔會遲到。
我:「Queenie,整枝牙擦嚟吖。」同琴日一樣。


入面已經無咗水聲,睇怕啱啱沖完抹緊身,好心就整枝牙擦嚟先啦,妳實有排搞。
Q:「嗱,入去擦啦。」
嘩!乜話,我O咗嘴!沖就係沖完呀…但佢只係著返條底底同戴返個Bra就打開門,重用緊條毛巾抹頭同手手腳腳;即係!我眼前呢個出浴美人!只係著咗內衣褲,重係滴住水咁就行出嚟見我?!
已有 0 人追稿