食食下有兩個半飛女入咗嚟,半飛即係曳唔晒,未有紋身唔多食煙嗰啲,但個頭就一忽忽有䉅金,耳仔拮咗三四粒嘢,通常衣著少少暴露,熱褲或者露腰咁。
呢種唔同街童,因為街童嘅中心思想係hea,乜嘢打扮都無著住背心拖鞋無欲無求周街躝嗰啲就叫街童,即係好似我咁。
而潮童嘅中心思想就係型,例如再窮都要買件STUSSY T嚟著,有錢啲就可能係SUPREME,再加條爛布牛仔褲咁,呢啲唔一定曳,通常係扮晒嘢。
總之,半夜三更喺屋邨流連都要打醒十二分精神,不過真正嘅壞人通常打扮得比較樸素,以上呢啲其實威脅唔大。
兩個妹喺度遊嚟遊去,又走去雪櫃睇啤酒,望落點都唔夠稱買啦,假真係自己攞嚟丟的…其實佢哋都唔樣衰,不過比起女神當然就差好遠啦,然後行過就要讕係不屑咁用眼尾睄兩嘢,通常佢哋都會唔妥啲唔屬於呢個世界嘅人,正如我一開始都唔太鍾意同右女神坐咁。
最後佢哋買咗兩包點心食,不過就無走過嚟,放喺個吉嘅報紙架上面食。
我:「我都食完嘞…不如返去咯。」
Q:「吓,我重以為你會睇晒成本書先走。」
我:「唔係呀,嗰兩個妹應該唔妥我哋喺度霸住個位。」
Q:「吓,我哋用咗半張枱,重有半張呀?」


我:「妳喺度佢哋唔會埋嚟㗎。」
Q:「咁都可以怪我,點解呀?」
我:「因為妳太靚,係漆黑中嘅螢火蟲。」
Q:「即係我唔喺度就會過嚟?」
我:「八九成啦。」
Q:「哦,係咪你嫌我喺度阻住你溝女?」
我:「點會喎,邊有咁易溝。」
Q:「如果得你喺度會唔會撩佢哋。」
我:「可能啦…或者試下幫佢哋買酒,我牛高馬大。」
Q:「睇嚟你都幾精於此道㗎喎,跟住捉返屋企開餐?」


我:「又未至於嘅,三唔識七都驚…但如果飲到醉醉哋通常都可以抽少少水嘅。」
Q:「睇嚟我係同緊個大壞蛋一齊住。」
我:「哎呀,講就咁講啫,我又食完嘞,費事佢哋食得咁辛苦啦。」
Q:「好啦,咁返去嘞。」
我:「喂…做乜…撓到我咁實…」
Q:「唔捉實啲你俾人溝咗點算?」
我:「吓…有乜點算喎。」
Q:「你要間屋扑嘢咪踢我走囉,我咪無家可歸。」
我:「無咁衰囉,最多收埋妳喺衣櫃先啫。」
Q:「我唔想匿喺衣櫃聽其他女人嘅呻吟聲囉。」


雖然講笑係咁講,但無可否認嘅係,佢只要一日繼續住喺度,我都唔知自己可以點溝女。
不過算啦,聖誕有佢呢個靚女陪我,重要捉到我實一實,我手臂都算揩到佢波邊;女嘅嘢可以遲啲先溝嘅啫,等十六歲都方便啲吖。
已有 0 人追稿