我怎可能是女神👸🏻獵人🏹（第一季更新至斷更為止）: · · · · ·　· · · · ·

Q：「即係唔係俾普通同學朋友睇囉。」
我：「咁俾邊個睇㗎？」
Q：「網友，小學同學，嗰啲囉。」
我望一望其中啲相，其實都有佢喺度，不過全部都睇唔到佢個樣，一幅側後方影佢喺度彈琴，一幅就係沙灘泳衣但就得個背脊，左手叉腰右手舉高V咁；雖然無樣睇，但都帶出咗一個message，就係呢個女仔好靚好好J。
我：「全部都係背多分嚟嘅。」
Q：「係咁㗎啦，三唔識七係睇呢啲㗎喇。」
我：「小學同學都叫三唔識七？」
Q：「應該話唔識我，同埋識我熟到唔需要睇我樣嗰啲都會放喺呢個account。」
咁講，即係我係後者？
我：「咁我可唔可以add埋妳公關account？」




Q：「Add嚟做乜？都係學校相嘅多，重有同啲八婆一齊影嘅。」
我：「八卦下咋嘛。」
Q：「嗯…都係唔好，都唔知有幾多無謂人研究我個friend list，費事人哋知我哋咁friend啦。」
我：「哦，原來係咁。」其實我都有少少失望。
Q：「嗱，你想睇相不如我開我部電話畀你睇。」
點知佢打開咗又收返。
Q：「欸…有啲private咗嘅相你都係唔睇好啲…或者咁啦，你follow我IG啦。」
我：「唓，咁矜貴，我睇真人算。」
Q：「咁咪乖囉，我都唔鍾意玩社交平台嘅，好鬼麻煩。」
其實我都唔鍾意，係想知佢會放乜上去做公關啫。




結果聖誕節我就同佢喺好平淡嘅溫書做功課氣氛中度過。
到咗boxing day，人哋就拆禮物，而我就去賣禮物，其實又唔止剩係賣嘅，我重有其他嘢要搞…
順帶一提盒LEGO賣到七百六，都算係個好價錢，千祈千祈個買家唔好放飛機，攞住咁大個盒同架車周圍走係一件好痛苦嘅事嚟。
就係咁，我用盡兩個半鐘搭一程港鐵嘅時間，行勻晒紅綠藍三條線，搞掂晒啲嘢就喺隔一個站出閘，因為原閘出係會收貴啲。