我怎可能是女神👸🏻獵人🏹（第一季更新至斷更為止）: ξθ’

媽：『又唔係好複雜，讀書就點都辛苦嘅，如果你怕背書多啲就揀理科，如果你怕計數多啲就揀文科，知唔知？媽咪唔貪心，唔要求你乜都學識，但要做好自己本份…』
Q：「其實係咪真係咁簡單？」
我：「係掛，信住阿媽先啦，橫掂我讀書又唔叻。」
媽咪例牌講完讀書之後，我反轉去後面嗰頁，點知鬼死咁精彩，呢啲…我唔太想QQ睇到。
媽：『衰仔！大個仔喇，怕拖未呀？呢樣真係好難估…如果未又無乜所謂嘅，過多兩三年都唔遲，不過做男仔要大膽啲，唔好咁內向，同多啲女仔做friend都得，唔好要媽咪擔心…』
Q：「我諗呢個妳媽咪真係唔使擔心。」
我：「咁都要串我…唔係好多啫。」
媽：『不過如果你已經拍緊拖呢，媽咪都恭喜你嘅，但係…喂！唔準咁急做嗰啲嘢呀！你知我講乜㗎啦，唔使要我講得太明，你十五歲咋，犯法㗎！等多一年好唔好，拜託你喇，呀，唔係…係等到你同女朋友都要夠十六歲呀，忍多一陣啦；而家最多攬攬惜惜摸摸揸揸好喇，啲重要嘅地方唔好互相掂到住…要尊重女仔知唔知？唔準亂嚟，如果唔係無女仔鍾意你㗎…』
Q：「哈哈哈哈哈，伯母妳早一年寫吖嘛，太遲喇！你個乖仔佢…已經無咗喇。」
我：「係囉，我錯囉，對唔住好未？發生咗都已經無辦法，呢啲嘢返唔到轉頭。」




Q：「聽媽咪話，摸下好喇，唔好摸太入知唔知？」
QQ佢捉住我隻手摸佢大髀，移動到髀罅附近又推返開…
我：「喂，妳又唔係我條女，做乜要摸妳？」
Q：「唓，信得過你先同你玩下咋嘛。」
媽：『好喇，我都唔咁譖氣喇，陣間我又要再寫下一封，咁你生日都要送下禮物畀個乖仔嘅，呢封信入面再有個封，你咁大個仔我都唔知送乜好喇，如果你拍緊拖，就攞去同女朋友慶祝啦，如果無嘅話就等到有先用啦，或者儲起佢，買參考書，隨便你啦，希望過去十年通脹唔好咁高啦…』
我喺信封入面攞咗個內封出嚟，小心翼翼咁打開，係一張五百蚊現鈔。
我：「太好喇！有飯錢喇。」
Q：「唔得呀！我唔係你條女呀，快啲收返埋。」
我：「遲啲先還返囉，而家有需要借住嚟用先。」
Q：「唔準呀，未用到最後一蚊都唔準用呢張！」




我：「唓，張張都一樣㗎啦！入咗銀行重邊有分。」
Q：「所以唔準入！我話畀你阿媽知㗎！」
我：「妳咪話囉！阿媽話買參考書都得。」
講就咁講，結果都係將張錢放返原位。
Q：「我終於明點解你會聽阿媽話，而且無王管得嚟又好似無乜學壞。」
我：「係呀…我成日都覺得佢會喺我身邊飄來飄去監視住我。」
Q：「有媽咪喺身邊真係好。」
我：「妳都有媽咪㗎。」
Q：「都唔知佢去咗邊，做緊乜。」
Queenie挨住我膊頭，唔知我哋兩個小朋友，最後會變成點呢…