我怎可能是女神👸🏻獵人🏹（第一季更新至斷更為止）: nōnāgintā septem

街童又好，飛仔又好，MK仔又好，其實都係唔同地方唔同年代對呢類大概遊手好閒青少年嘅稱呼；關於呢一堆人，經常都會聽到一種不停重複嘅conversation：望撚夠未呀；你唔望我點知我望撚住你呀；你唔望住我望住你，點知我望住你望住我望住你呀…我都唔撚知自己噏緊乜喇，總之就係一個loop嚟永無止境講落去，極之無營養又唔會有結果，去到最後咪睇下邊個收皮先或者邊個拳頭硬啲。
其實佢兩個都係差唔多，唔好話我無意插手，我直情聽多句都覺得浪費人生，睇下小新點樣揭姐姐裙底䚎底褲顏色實在有意義得多。
蚊：「交叉仔，可唔可以帶我走呀？」
睇嚟細蚊終於頂唔順，由一點鐘食飯拖到而家三點幾，都算係耐力賽嚟㗎喇，絕對係毅力可嘉。
我：「再講落去都無結果，不如第日再謦過啦。」
「關你撚事呀！」
我：「而家你條女開到聲，咁咪關我事囉，講咗咁耐大家都攰，不如抖下先啦。」
「好串咁喎！我而家唔撚妥你，你同我收嗲！」
我：「好好好，我唔出聲喇，不過我要送細蚊返屋企嘞，唔好意思。」
「我屌你老母，你係咪唔畀面我呀！」




呢個時候我哋兩條仔企咗起身，細蚊就匿咗喺我後面，佢好似有啲驚咁。
我：「咪畀咗面你囉，係咪想玩到今晚先安樂啫？唔好咁幼稚啦，大佬…」
「好，你過嚟同我㧻盤棋，如果你贏咗就送細蚊返屋企，我贏咗你就即刻同我消失，夠公平啦？」
我心諗，又會無端端有啲咁嘅筍盤嘅？乒乓波都話唔知邊個鹿死誰手吖，康樂棋就真係…天下低B仔實在太多，呢個都算夠晒勻洵。
我：「好呀，就咁話啦，陪你玩一鋪，願賭服輸。」
呢個時候細蚊用擔心嘅眼神望住我。
我：「放心啦。」
真係唔可以輸，輸咗我真係要走，細蚊分分鐘俾佢捉返屋企姦到…嗰度都爛埋咁滯。
「喂！柒頭，猜邊個開先啦！」
我：「你開先啦，費事俾人話勝之不武。」




「低能仔，我同你講你輸硬呀！」