【代糖故系列】《她被寄宿到屋邨男孩的家中》: 106

呢個時候Carmen暫停咗手上嘅動作，擰乜塊面眼定定望住Queenie，又低頭睇下地上面嘅血跡，再望返Queenie。
車：「好多…咩？你叫佢三日唔好打飛機，然後幫佢出一次，灑落地大概咪呢個量囉。」
Carmen唔係講笑㗎，就算係細蚊呢啲屋邨妹都完全比唔上佢嘅張狂，兩個小妹妹聽完之後成塊面都紅晒，Carmen就繼續調整繃帶嘅鬆緊，準備落個碼仔扣禮成，當然又係長到乜咁。
另外，地下少血係因為我啲血一早就俾件衫索晒啫，如果唔係起碼四五倍啦。
Q：「交叉仔你做乜要同人打架呀？」
車：「重使問，咁就梗係英雄救美啦！」
我：「唔係…警惡懲奸啫…」
蚊：「Queenie姐…對唔住，係我累咗佢。」
QQ一副想抱怨但係又唔好意思開口嘅樣咁，而呢個時候細蚊都發覺有啲唔妥放開咗我隻右手。
我：「傻啦，唔關妳事，係我想打架，一時失手啫，不過我最後贏㗎，打到個衰人落荒而逃。」




QQ無我咁好氣，踎咗喺我嘅左手邊觀察我嘅傷勢…呀唔係…係Carmen啱啱完成嘅傑作。
我：「Queenie咁早返嚟嘅？妳唔係要行街咩？」
Q：「我擔心你吖嘛，所以咪早啲返嚟睇你囉…點知我經過對面平台望過嚟，就覺得係你出咗事。」
車：「無事喎，返屋企有同居女同學照顧你，記住呢幾日唔好打飛機或者乜嘢喎，好易病㗎。」
聽到Carmen咁講QQ即刻勁尷尬。
我：「呢位係Carmen姐姐，佢係細蚊嘅師姐…」
我啱啱醒起都要幫佢介紹下，而聽落架車就應該已經喺細蚊口中聽過有關QQ嘅事。
車：「哦，原來係咁，我止係你EX嘅師姐，我都明嘅，明晒喇，你呢啲負心漢。」
明明係妳兩個見異思遷，重要話返我負心漢？！
我：「Carmen…都係我EX嚟…」




Q：「哦，原來係咁…」
然後佢哋三個踎喺度望實我無出聲。
我：「妳哋…三個靚女咁樣圍住我…會缺氧㗎…」
車：「得喇得喇，知你食完齋唔打和尚喇…交叉仔，唔好成日逞英雄喇，咪以為自己好好打先得㗎，知唔知？乖唔乖呀？」佢用雙手搓我塊面。
我：「知…我會小心…我會乖…」
車：「乖就惜啖啦。」