我怎可能是女神👸🏻獵人🏹（第一季更新至斷更為止）: 117

無理由呀，我買親啲東東雲吞王佢次次都食得好開心，特價都個八一粒㗎…遲早食窮我。
Q：「唔鍾意吞…嗰啲嘢呀！」佢成塊面紅晒。
我：「呀…原來…咁妳做乜唔大聲嗌唔好？」
Q：「咁…喺張床上面，好難推㗎嘛…你哋個個都夾硬嚟嘅！」
我：「喂！唔好屈我喎…我無啲咁嘅愛好。」
Q：「講呀，咁你有無試過吖？」
我：「我唔識形容呀，因為Carmen姐姐佢…」
Q：「Carmen姐姐佢係點呀？」
我：「佢應該…唔會抗拒呢樣嘢…」
Q：「係咪呀？又腥又臭，都黐鬼線嘅，不如你自己吞一次試下感受吖！」


我：「欸…對唔住，我真係試過…」
Q：「你講真定講笑呀？」
我：「Carmen姐姐佢試過幫完我，同我打茄輪傳晒入我個口度…再命令我咁做。」
Q：「你同佢玩到咁？」
我：「妳得個知好喇，唔好同人提呀，雖然我好同意嗰啲嘢係好難入口…」
Q：「咁你又會聽佢話嘅？」
我：「我都唔知呀，可能因為Carmen大過我掛，加埋佢啲眼神好有震懾力，而且佢對我都幾好，一般嘢我都會聽佢話嘅。」
Q：「咁你鍾唔鍾意女仔咁幫妳？」
我：「我…無乜特別嘅，試過Carmen姐姐一日要我喂佢食早午晚三餐，自此我有啲驚。」
Q：「黐線嘅！你哋都唔係正常人嚟。」


我：「喂，唔好咁睇我喎，雖然Carmen係癲癲地，但我同細蚊一齊嗰陣都好正常，唔會迫佢做啲變態嘢，雖然我唔覺得呢樣係一件好嚴重嘅事。」
Q：「你係俾人服侍梗係咁講，你試下自己唔舒服之餘重要咁樣俾人攪睇下開唔開心？」
我：「原來唔舒服先係重點，睇嚟舒服就可以玩乜都得。」
Q：「咁呢樣嘢，應該大家都要舒服先開開心心㗎嘛，點解我要做蝕底嗰一個？」
我：「咁唔開心點解唔直接鬧佢，個樣嬲爆爆都無用㗎。」
Q：「但咁樣…會唔會唔係幾好？」
我：「呢樣係你哋兩個嘅事嚟，你唔同佢講走嚟同我講都無用㗎。」
Q：「係你無端端走嚟問我咋嘛。」
我：「欸…總之發洩返落佢度囉，喊下扭下計就會有人氹返㗎啦。」
Q：「佢會唔會覺得我好港女，蠻不講理㗎？」


我：「咁妳自問唔係咪得囉，唔通妳下次又繼續忍呀，佢惜妳嘅話又點會介意妳港女。」
Q：「咁我而家打去鬧鬼佢㗎喇。」
我：「又唔使鬧嘅…等佢知妳唔開心咪得。」
Q：「多謝你，我打電話畀佢喇。」
服咗佢…唉…不過我係局外人事不關己咁講道理就梗係易，如果QQ係我條女應該都會幾煩下；女仔思想複雜又鍾意收收埋埋喺心入面，然後我哋做啲嘢滿足唔到佢哋心意又話我哋唔明白佢哋…Carmen就算啦，我同佢唔係喺同一個水平上面；而細蚊離開我嗰陣都係粒聲唔出，如果佢話我知有乜唔開心，件事就未必會變成咁，不過我都唔係好男仔嚟㗎喇…
結果，又一個聽佢煲電話粥嘅晚上。