我怎可能是女神👸🏻獵人🏹（第一季更新至斷更為止）: 116

又真係好乖乖咁去食粥，當然唔係白粥皮蛋瘦嗰的啦，食粥本身已經好屈就，要食當然食狀元及第粥啦，諗起啲多羔嘅豬粉腸，爽滑嘅鮮豬膶，大大粒嘅豬肉丸都已經流晒口水；正所謂以形補形，既然自己無咗忽肉就當然要食返啲肉啦，不過粥鋪會附送幾多味精真係無謂提…
屌，食碗粥都要成四十蚊，簡直同打劫並無二致；呢個價只要加兩蚊就可以變大家樂焗豬，加八蚊就變兩盒學生餐燒臘飯盒，不過應承咗QQ今日晏晝食粥，我係誠實嘅乖寶寶。
好彩，都幾足料，味道良好，帶有啖啖味精嘅鮮香；食色性也，味精同溝女呢兩樣嘢都係為人生提味；試諗諗，如果人生只剩返進食求生同埋結緍生仔，重有乜味道可言？
食完就順便買兩枝Zero同兩樖菜返去，呢個已經成為咗我嘅日常人生。
返到屋企都係繼續抖下，玩下電話又瞓下覺。
等到八點QQ終於返嚟，但望落佢個樣有啲唔妥。
Q：「我返嚟喇。」佢隨手一拋將個包包掉上梳化。
我：「女皇大人，妳塊面做乜咁燶嘅？」
Q：「無呀…攰咋嘛…」相處咗個幾月點會唔知妳邊句真邊句假吖，我又唔係嗰啲A0死傻仔。
我：「行街食飯有人幫手埋單都攰，無理由喎，到底係邊家嘅公子哥兒激嬲咗我哋嘅女神呀？」




Q：「收嗲啦！你哋啲男仔無個好嘢嚟㗎！」
我：「吓…但係我乜都無做過喎。」
Q：「你存在喺度已經係一個錯嚟！」
我：「有乜唔開心嘅事呀，講出嚟可能好啲呢。」
Q：「唔想講呀…啲咁鶻突嘅嘢…」
我：「大家一家人，應該開心見誠㗎嘛，妳知道我好關心妳㗎。」對得耐咗我對住佢面皮已好厚。
Q：「我…人哋…唔鍾意…吞咋嘛…」
我：「吞？唔鍾意食雲吞？」