我怎可能是女神👸🏻獵人🏹（第一季更新至斷更為止）: 123

我：「如果要救妳一命…我願意。」
Q：「咁如果只係唔救我就會俾人強姦呢？」
我：「呢個…呢個…如果妳需要我幫嘅話…」
Q：「傻嘅咩，俾人姦都未使死嘅。」
我：「但俾人強姦…應該都會好慘，我唔想妳受傷害。」當然無咗隻手係一世都好慘。
Q：「唔準呀！你無咗隻手我賠唔起呀，容乜易你要我幫你打成世飛機呀？」
我：「應該唔使嘅，無咗一隻重有另一隻手…」
Q：「唔使喇，我未至於矜貴到咁，我都唔想睇到你受到傷害，我寧願用我嘅肉體嚟換你隻手。」
我：「多謝右女神…」
點解…我哋要討論埋呢啲咁無聊嘅問題，喺而家呢個和平嘅年代，應該唔會出現呢啲狀況掛；QQ，雖然我唔知要同妳一齊住到幾時，但喺呢段期間，我只係想盡我全力可以同妳有簡簡單單開開心心嘅生活，咁樣我就於願足矣。




健：『靚靚Kuromi，如果未off不如再玩多陣吖。』
QQ一accept咗佢request就即刻收到message…
Q：「你個好朋友好進取喎。」
我：「睇怕佢谷咗啲唔知乜嘢上腦掛，唔得閒理佢，妳想同佢玩咪繼續囉。」
Q：「嗯，我想睇下佢想點。」
Q：『都可以玩多兩鋪嘅。』
平時Queenie都好少會主動同我一齊玩，而家見到佢接受邀請講真我有啲唔開心。
Q：「喂，做乜走咗去呀，你唔嚟睇我玩嗱？」
我：「妳同阿健雙排玩，咁又關我乜事呢？」
Q：「哦，我知，你係喺度呷醋！」




我：「黐…黐線㗎咩！我做乜…要為咗一個有男朋友嘅女仔呷醋？！」
QQ好似一隻小惡魔咁望住我。
Q：「咁就過嚟睇住我玩啦。」
入到去房間之後，點鬼知阿健勇到用語音通訊。
健：「靚靚Kuromi呀，不如今場試下唔好用克里希，妳做輔助跟住我打野吖。」
Q：「啊，好吖，咁我用乜好？」
勢估唔到QQ竟然開返語音嚟覆佢，不過就變咗一下聲，更加小妹妹同嬌滴滴，聽到呢度我個心就不自覺咁揦下揦下。
健：「用愛麗斯啦，呢個易用，不停幫我加盾就得。」妖，頭先贏咪又係靠我愛麗斯。
Q：「好呀，我試下啦，不過玩得差都唔好鬧我喎。」
健：「放心啦，一定贏，等我帶妳！」




搞完一大輪揀晒角色，入到loading畫面，呢個時候唔會驚個咪收到我哋啲聲。