我怎可能是女神👸🏻獵人🏹（第一季更新至斷更為止）: 161

點知QQ對我反咗一下白眼。
Q：「女仔唔使剃鬚啫，其他身體部位可以有毛髮㗎嘛！」佢好似對我嘅質疑感到非常不滿。
咦，又係喎，bio都好似教過，人有毛嘅地方有好幾個，例如鼻孔入面有鼻毛，膽入面有生毛。
我：「係囉，呢度有頭毛。」
我用手指住佢啲頭髮，但係就用眼打量佢上半身同下半身嘅夾角鬼崇位；bio教毛髮嘅作用有避震、順滑、保護嫩膚嘅作用，所以就會生喺啲ball joint附近，我諗同機器入面嘅啤呤會加彈介同潤滑油嘅概念係差唔多；而呢啲位置就喺人體嘅acute angle入面，不過現代人類實在太廢J，終日匿喺冷氣房入面文過飾非，所以啲毛已經退化晒，剩返個腦用得最多，所以重有頭髮。
Q：「死變態！你喺度望乜嘢呀？」
我：「我關心緊妳係想用把鬚刨嚟做乜。」
Q：「妖，我諗住飛完髮，順便解決埋某啲毛髮嘅問題。」
我：「胳肋底毛？」
Q：「嗯…」而佢竟然睇起嚟有啲羞澀。




我：「其實妳沖完涼換校服我會見到。」
Q：「食屎啦，都話唔係為咗畀你昅嘢。」
我：「咁妳講過我可以喺間屋做返一個平常嘅自己，我咪無專登擰轉面囉…睇到我都唔想…」
Q：「屌你！知就唔好問啦。」
我：「咁Queenie你屌我啦，之後我唔會再問。」
我擺出一副有啲期待，怕醜但又欲拒還迎嘅樣。
Q：「得！你上床趴底除褲，我去廁所攞地拖…」
我：「哎呀，講笑咋，大家咁耐朋友，點可以屌來屌去嘅啫，我哋應該相親相愛㗎嘛。」
Q：「唔得閒同你玩，有定無啫，無嘅話我去買。」
係嘅，由於我平時對住佢唔可以謦啲情愛嘅話題，咁樣同佢膠flirt一下算係彌補心靈上嘅不足囉，而且對住啲功課又好鬼死悶…




我：「呢層…我要搵下，老竇應該有。」
Q：「乜你唔使剃鬚㗎？」
我：「啲鬚…未生出嚟…」
點知我一講，QQ眼珠一轉，變得鬼死咁精靈，再帶住少女惡魔的微笑嚟望住我。
Q：「你毛都未出齊呀？」佢報仇咁喺度恥笑我。
我：「未囉…」我感覺到我已經氣勢盡失，就好似一隻獅子俾人鏟乾淨佢圈鬃毛咁。
Q：「你唔會同我講你胳肋底未有毛呀？」
我：「我換衫嗰陣妳睇唔到㗎咩…」
Q：「哼，我唔似得啲人咁變態，會趁人哋換衫嗰陣去關心人哋個身體。」
我：「真係…未有…」




Q：「噗哧…嘰嘰嘻…」佢嫣紅了面，吃吃地笑我。
我：「做乜喎，男仔發育遲啲㗎嘛。」
Q：「咁你下面，唔通光禿禿咁？」佢不懷好意咁打量返我下面，我真係懷疑呢個百厭嘅右女神係會夠膽除我條褲研究一下我個身體係咪白切雞雞嚟…有邊個估到學校身為女神嘅佢原來真實嘅一面係會咁黐線。