我怎可能是女神👸🏻獵人🏹（第一季更新至斷更為止）: 262

我：「對唔住呀…因為第一次見妳喺度，所以…」
「你唔使對唔住我，係驚你俾人鬧啫，你諗下啦，人哋呢個時候專登嗌啤酒都係想我埋去serve佢哋咋，定係你好想做啤酒仔呀？」
啤酒仔呢…平時我係有做嘅，咪都係嗰堆嚟打躉睇波嘅阿叔囉，好似每個周末都會嚟聚一次咁。
我：「唔知嘛，只係諗住幫下妳，同埋等啲客可以快啲有得飲，原來佢哋係…」
「原乜鬼來吖，你都係麻甩仔嚟，未嗌過啤酒妹斟酒㗎咩？」姐姐狐疑咁望住我…
我：「我未夠秤唔飲得酒㗎…同埋我都唔鍾意飲啤酒。」同馬叔叔一樣，我寧願飲苦茶多過苦酒。
「吓？！你未夠十八歲㗎，咁幾大呀？」
我：「十五咋…」
「乜話！？十五歲嚟打工？又係喎，雖然你都生得幾高大，但望真啲又真係好細路仔。」
哼，雖然我係細路仔，但俾個姐姐咁樣睇小又唔多開胃…其實係好矛盾㗎，做細路仔好開心，日日顧住玩又有人照顧，可以嘅話我都想做成世細路；但係我而家一嚟無人睇住我，所有嘢都要自己嚟，二嚟重要照顧QQ，所以我都想自己睇落可以成熟少少，三嚟就睇落大個啲易溝女嘛，大卡車都係見我唔多似細路先肯陪我玩咋嘛，所以呢，生得高其實係好著數。




我：「係細路仔就唔使嚟返工啦。」我死魚眼還擊佢，明明我就同佢一樣高，不過佢心口大過我。
A：「係呢，我叫Angel呀，可以點嗌你？」
我：「Angel姐姐，妳可以叫我呀爽。」雖然我唔認同我係細路，不過出於禮貌都係嗌返佢姐姐。
A：「呀爽…嘻嘻，呢個名好得意，重有啲奇怪。」
點奇怪都怪唔過我個英文名，寫埋落身份證，用又唔係，改第二個名又唔係，我都唔敢報出嚟，分分鐘要教埋人哋點串。
吓？你哋唔記得咗我英文名？Xavier呀…專心睇文啦，一陣激嬲爛作者佢以後用英文出文，咁就盞一拍兩散㗎咋…don't you know that？
我：「關我鬼事咩，又唔係我改嘅。」
A：「諗多兩諗重好似係個好曳嘅名嚟。」
我：「可能啦，而家無咁曳㗎喇…咁Angel姐姐妳幾大呀？」
A：「呀，真係曳㗎喎！女人嘅秘密你都敢問嘅。」




我：「唓，妳問我我咪問返妳囉，妳唔想答可以唔答㗎，睇妳個樣都…可以有幾大啫。」
咁賣得啤酒點都要夠十八歲嘅，我諗係…邊似得我呢啲啤酒仔咁趣緻；但我望佢個樣，就估佢最大都係廿歲左右，非常嫩口。
A：「吓…我唔可以有幾大嘅咩？」佢無端端挺起個心口，加埋佢個衣著…係嘅，係幾大嘅，至少都大過QQ少少，但我就估唔到佢會咁同我玩語帶雙關喎，唔通全部姐姐都係咁嘅？！不過佢係啤酒妹又真係好難講，做得呢行乖極都有個譜。
輸人不輸陣，就算我係細路仔佢係姐姐都唔可以怯，等佢唔好以為我細過佢就可以大到我。
我：「無話唔可以，咪C cup半差少少未夠D cup，就係咁大咋嘛。」佢件V領衫，露咗條乳溝仔出嚟，邊逃得出我嘅法眼吖。
A：「曳呀你，肯定唔係扮出嚟，扮都無咁似。」
我：「妳覺得係咪係囉，我都唔care嘅。」
A：「做乜係咁望住我條波罅呀？」
我：「我諗緊妳做乜有鈕唔扣咋嘛。」
A：「做得啤酒妹都預咗俾人昅㗎啦，咁密實博啲客閪面咩。」Angel姐姐望我嘅眼神變得有啲挑逗，好似想大返我咁，但我是唔會就範的。




我：「咁預咗畀人睇何解又質疑我呢？有波罅露出嚟都唔睇，咁樣好無禮貌㗎嘛。」我zoom埋去添…
嘿嘿，雖然平時對住QQ我係好收斂，但我始終都係經過Carmen嘅訓練，呢少少…
A：「執枱啦，鹹濕仔！大把嘢等緊你做呀！」
呢少少…工作，真係大到我了。