我怎可能是女神👸🏻獵人🏹（第一季更新至斷更為止）: 263

臨近新年，客人當然比平時多，所以除咗我之外都重有另外一個阿姐留喺度幫手執枱，一人一半area咁；顧住同Angel姐姐吹水，唔經唔覺我呢邊已經起咗兩枱客，我唔為意個阿姐喺度眼望望，應該係心諗唔係要幫我呢條契弟執枱掛。
咁有嘢要做我都當然嘭嘭聲即刻做嘅，有糧出㗎嘛，係咪？係呢，我都返咗兩個禮拜工，之前唔見Angel姐姐嘅？佢嘅出現令到我第一次覺得自己係有同事嘅；你知啦，我同啲阿姐又點會謦得埋吖，馬叔叔又只會自己坐喺度收銀埋數同睇馬經，我都唔好意思同佢講啲乜。
Angel姐姐係一個啤酒妹，著住嘅當然就係制服嚟啦，佢係代表藍妹牌嘅，所以件衫就係藍色主色，條邊係黃色間，心口上面有個blue girl嘅字樣。我以前以為啤酒妹都係著得好暴露嘅，即係上身就一件Bra top，下身就露底超短裙或者超熱褲咁；但Angel唔係，佢上半身係一件貼身短袖衫，開胸扣鈕，有啲似人哋做運動嘅服裝，由於佢無扣鈕嘅關係都算幾sexy，身體線條原形畢露，件衫有少少短露出咗一截小蠻腰，但唔算過份嘅，可能要佢郁來郁去先會搵到粒肚臍；下半身就係一條頗貼身嘅裙，pat pat幾明顯都會印到底褲痕，算係遮到一半大髀多啲。整體嚟講，合理得嚟，好睇。
雖然只係識咗佢幾分鐘，但就覺得同佢謦欬好開心；可能我掛住Carmen掛，對住姐姐唔使有乜避忌，喺無多餘期望下講乜都得，要嬲咪嬲囉，我又無損失嘅，反正我以前都係咁嘅款。
我：「呼，執完！嘻嘻。」又返去搵姐姐。
A：「傻仔，同你講呀，我唔係C cup半，你估錯咗。」Angel個樣帶住奸笑。
我：「吓…係真唔係呀？」我即刻用隻眼嚟check一check，無理由吖，明明就肯定大過C cup，就算我畀多佢都應該會認，唔通佢想話佢足D？但件衫咁貼身，一睇就知細過Carmen，呢啲嘢我唔會失憶㗎…