我怎可能是女神👸🏻獵人🏹（第一季更新至斷更為止）: 302

我：「唔要呀！」
我唔知點解…好激動…明明佢只係一個一齊返工嘅姐姐，同好多街童靚妹一樣都墮落過；我唔係唔知呢個世界係點，援交妹，道友妹，靠輪流畀人搞周圍寄生嘅女仔…其實有好多…關我撚事咩，佢哋自己攞嚟，衰啲講我都想玩埋一份，橫掂係佢哋當自己係玩具在先，唔玩就笨柒。
但當佢出現喺自己身邊，我竟然會咁反感；就好似我聽到QQ第一次用嗰啲嘢嚟賺錢，完全估唔到會出手阻止佢，重話要養埋佢；心諗都真係幾傻下，嗰陣都未算話係好鍾意佢，佢用自己方法搵錢唔係幾好咩？可能兩三個鐘已經搵得多過我每個月兼職，但係…我就係唔俾佢咁做。
A：「你…做乜喊呀…」
我：「姐姐…求下妳…唔好咁…」
A：「傻啦，唔會喇，已經離開咗好耐…只不過…嗰種感覺有時會懷念下，原來自己有段咁嘅日子。」
我：「咁妳應承我唔準再掂嗰啲嘢。」
A：「一早就應承咗自己啦。」
我：「咁講都唔好再講。」
A：「嗯…做乜為咗我喊呀？」




我：「無呀，想妳做返個好女仔。」
A：「睇嚟，我開始明白你個女神點解咁放心同你一齊住。」
我：「點解呀？」
A：「自己諗啦…不過其實呢，夾band嗰陣都唔係我嘅最低潮，雖然係過到烏煙瘴氣，但係始終都叫做自己揀，有人陪，有開心嘅時候；喺嗰個世界你會沉醉，昏迷咗唔會太痛苦，最痛苦係當你以為可以變返正常回到原本嘅世界，先發現原來呢個真實嘅世界先至係將你折磨致死嘅罪魁禍首。」
我：「即係點呀？」
A：「其實當時我都唔知會同啲band友攪幾耐㗎，夾band幾開心吖，感覺上㨃下草未至於會整死自己，畀人屌我都無乜所謂，都畀人屌咗第一次，屌多一百次都係咁啫，係咪？可能真係我會舒服，我太犯賤…結果到最後，都係同啲仔因為感情問題反面一走了之；係咪好荒謬呀，你唔鍾意我，想同我攪，fine，咪做完先再算囉；不過一但有咗感情，原來自己有啲嘢係會忍唔到，成個人癲晒。」
我：「咁始終離開咗嗰度都係好事嚟嘅。」
其實呢，我係好想八卦佢夾band嗰陣啲荒唐事，畀幾多條仔屌過，玩到點天花龍鳳，有幾放蕩咁一路唱歌一路擘髀，不分日夜咁攪咗幾多次…但我問唔出口，一來佢已經變返正常，我要尊重姐姐，如果佢想講就自然會同我講；二來我容忍唔到自己咁賤格，我自知本身都唔係好東西嚟，手賤口賤，所以細蚊先會突然消失；俾著以前我知細蚊畀我食免費餐我一定狗衝，EX單身搵返我畀我屌閪都天經地義吖…大家無其他揀，咪攪住先…
係QQ改變咗我，佢同其他我識過嘅女仔唔同，佢令我覺得唔可以輕薄佢；雖然佢係好靚，身材重好正，對我亦無太多防避，但就係覺得唔應該亂嚟；縱然好想好想好想揸落去，但就係忍住咗，結果忍咗第一次，發覺就會繼續落去，亦慢慢改變咗我；而家見返細蚊，我會想抱住佢支持鼓勵佢，希望睇到佢會開心笑出嚟，而唔係玩佢個身體。
A：「弊在關關難過呢…人生一關又一關…」