我怎可能是女神👸🏻獵人🏹（第一季更新至斷更為止）: 339

專業嘅姐姐唔使半分鐘就同我行到嚟M巾架。
C：「呢個一包，呢個又一包，搞掂！」
我：「點解要買兩包呀？佢都係叫我買一包…」
C：「信我啦，咁樣舒服啲，你唔係唔信我嘅專業呀，好歹我都嚟多過佢廿幾三十次M。」
QQ中三，Carmen中六，呢條數都幾有說服力。
我：「唔係，只係想知…點解要兩包唔同啫。」
C：「即係，就好似你同女女扑嘢咁，第一次會好敏感插幾下就忍唔住想射，咪要笠個持久型厚啲嘅套，到第二次反應差咗好多，咪要用個零距離特薄㗎囉，如果唔係滯精射唔出就醜死鬼，女女嬲死你呀。」隔咗成年，架車重係無嚟正經…
我：「哦…原來係咁，不過我而家無扑嘢。」
C：「理得你有定無吖，唔關我事，唔好攪大人個肚就得。」
Carmen服侍周到，幫我攞埋兩包M巾去counter，而我就負責畀錢，到入完膠袋我先搦住。




我：「係呢，妳上次做乜收埋個dom喺我隻手度？」就係嗰次QQ幫我拆開包紮跌出嚟嚇到我哋呆咗再俾佢據為己有嗰個。
C：「等你有備無患吖嘛，同個靚女住埋一齊點知你幾時會忍唔住撲上去。」
我：「無囉，我忍到呀，而且佢有仔㗎喇。」
C：「有無仔唔係重點嚟囉，唔通佢條仔鎖住佢個窿咩，你知你幾大力㗎啦。」
我：「我無咁過份囉，我乖咗啲㗎喇。」
C：「怕且係人哋氣場太勁，你唔敢亂嚟咋掛。」
其實佢都講啱咗一半，佢係姐姐嚟而且有經驗都預咗我亂嚟，所以我亂嚟；細蚊就乜都無所謂，又唔多識珍惜自己，蝕底咗都唔會唔開心，所以我亂嚟；但如果對QQ亂嚟，我唔知結果會係點。
可以肯定嘅係我哋和諧幸福嘅生活會被破壞。
買完M巾我就順便送佢返屋企，都係住喺我條邨，不過細蚊就住正喺我隔籬嗰棟，佢就再過兩三棟咁，要行三分鐘先到。
我：「女仔M到係咪會好辛苦㗎？」




C：「睇情況啦，睇食咗啲乜，人人都唔同嘅。」
我：「係咪會痛到連張床都落唔到？」
C：「正常就唔會嘅，不過痛起上嚟就係人都唔願郁㗎啦，但係想俾人惜就一定㗎喇。」
我：「原來係咁…」
C：「你鍾意人咪對人好啲囉，買包M巾咁小事都囈囈哦哦，到人哋唔使你幫嗰陣你唔好喊。」
我：「都係嘅…咁Carmen而家有無男仔惜妳呀？」
C：「而家？你惜我一啖咪有人惜我囉。」
姐姐真係識講笑嘅啫，但如果佢唔係咁樣，以前我哋又點會玩到一塌糊塗。
我：「唔係呀，妳男朋友…惜唔惜妳呀？」