我:「試過一次就好,以後都唔敢…我好記得妳起返身喂落我個口度個樣,好好味,我重好驚會有啲剩返喺入面,所以不停起勢咁啜。」
C:「其實好舒服㗎,啲泡喺入面起勢咁啵嚕啵嚕,所以跟住就搞到你成面都…」
我:「唔緊要㗎,Carmen姐姐嘅所有嘢我都鍾意!」
C:「你快啲從實招來,你同女神喺屋企有無玩埋啲變態嘢?!」
我:「梗係無啦,我同佢又唔係嗰種關係,佢又唔係妳,最過份都係幫佢…幫佢…唔講得。」
C:「對住我都唔講得?」
我:「又係妳話唔可以亂咁講女仔啲私事嘅,忌廉溝鮮奶呢樣嘢我都唔會同其他人講,不過你唔使驚,我而家會有分吋,同佢好好地一齊生活。」
C:「算你啦,重記得我教過你啲乜,要好好對人呀,知唔知?」Carmen用一隻手指㧻我心口。
我:「會㗎喇,會好好對佢,守規矩,唔會再整喊女仔。」雖然佢都喊過N次,但唔係整喊囉。
C:「見你咁乖,益下你都可以嘅。」


我:「真係㗎?!今次真係未出發先興奮咯。」
C:「其實我諗呢一兩日佢都會自己爆㗎喇,到時都係要清理佢,咁大粒唔會平復返。」佢一路講一路用手指撫摸下粒暗瘡,水嫩欲滴成粒提子咁。
我:「呢啲嘢宜早不宜遲,就等我解決咗佢。」
C:「乜喎,人哋諗住留返嚟聽日自己享受㗎嘛,喺塊鏡睇住佢爆,入面啲汁唧到成塊鏡都係,再到啲膿一條咁流出嚟,好舒暢…好爽。」
我:「嘩,原來Carmen妳都係一樣咁變態。」
C:「咁清理身體入面啲污糟嘢就不朽都係咁㗎啦,同埋…睇住啲嘢射出嚟嗰下係好開心。」
我:「係嘅,我都係妳教出嚟,重射過好多次畀妳添…」
C:「你最衰就係對我又係咁,對細蚊又係咁!我好似講過對其他女仔唔可以咁㗎喎。」
我:「我知錯㗎…以後都唔會再咁樣。」
C:「嗯…唔好俾我知道你第時做咗個壞男人呀,我真係會對你唔客氣㗎,咁…粒暗瘡就拜託你喇…喂,唔好咁急啦,你坐後少少先,擺返個舒服啲嘅位。」


同Carmen一齊嗰陣再開心係乜?我諗,並唔係玩到離經叛道嗰陣,而係我扭完計,攤床瞓喺姐姐大髀上面,要佢幫我撩耳仔;嗰陣大概四月到,天氣開始回暖,佢喺我屋企通常都只會著住件長拉拉(laai4/癩)嘅T恤,啱啱到屁股嗰種,而下面就只會得條底褲,甚至乎係乜都無;跟住我就望住佢個肚仔,聞住佢下半身嘅氣味,享受住姐姐為我提供嘅採耳服務。
已有 0 人追稿