我怎可能是女神👸🏻獵人🏹（第一季更新至斷更為止）: 355

點知到咗瞓覺嘅時候…
Q：「交…叉…仔…」
我熄咗燈正想上床，點知被竇入面嘅QQ帶住半點痛苦嘅呻吟聲叫我，係真係唔舒服嗰隻呻吟，唔係大家幻想中嗰種，佢M痛緊唔會幫自己火上加油，寒天飲雪露。
我：「係乜嘢事呀，Queenie？重係好痛？」
Q：「無咁痛喇，但係…有啲凍。」
我：「係呀，過完年先嚟凍，我諗得十度到咋…不過我已經將全屋最厚嗰張被畀咗妳喇。」
Q：「咁凍…我瞓唔著…點算。」
我：「對唔住呀，我屋企無暖爐，不過暖爐唔係好貴，如果妳真係要我都可以買部嘅…」
一般嚟講香港一年都係得十日八日先可以叫做凍，我呢啲熱血沸騰嘅少年又點會擺嚿無謂嘢喺屋企厊埞吖；最重要嘅係，暖爐本身只係兩條發熱石英管嚟所以唔貴，問題係啲電費，開足成晚就已經十蚊八蚊，同冷氣有得揮。
我：「不如…我去斟枝熱水畀妳抱住瞓吖，應該都可以暖一陣嘅，再唔係，我開風筒吹啲暖氣入張被入面，可能會好少少。」


Q：「不如你幫我暖床吖。」
我：「Queenie…妳…講乜呀？」我懷疑自己聽到啲乜，所以再問多次確認下。
Q：「我係話，你入嚟幫我整暖張床。」
我：「吓…但係妳都已經上咗床喇喎。」
Q：「你入埋嚟唔得㗎咩，嫌迫得滯呀？」
我：「唔係…但我入埋嚟嘅話…」
Q：「乜我哋未試過一齊瞓咩？」
我：「試過…但上次係妳走過嚟我嗰邊，但呢度係妳張床嚟喎。」上次就係我鎅親手病咗嗰陣。
Q：「有乜分別呀，我話俾你就得啦，你負責入嚟發熱㗎咋，唔係叫你喺度諗衰嘢。」
我：「咁我入嚟㗎喇。」


於是我小心翼翼咁上返我以前張床，雖然個樣無乜點變都係咁殘，但就有一唚好香嘅少女味道，呢個畫面都幾大反差下；然後我輕輕揭起張被，躡手躡腳咁攝咗自己入去個被竇入面，的確係未暖嘅。
Q：「你瞓到咁開做乜呀？拉開晒張被，咁樣啲冷風咪吹晒入嚟囉，點整暖個被竇？」
我：「但我如果唔係咁就會掂到妳㗎喇喎…」
Q：「又無話唔俾你掂，叫你唔好攪我咋嘛。」
其實我同佢呢，手又拖過N次，抱又抱過，惜都惜埋，重有時會接觸佢身體陰濕鬼祟嘅地方，但叫我平時咁樣黐埋去就硬係有種唔知點嘅感覺，就好似攪緊人哋條女咁，而且我深知無得亂嚟。
Q：「嗱，你唔好硬呀，我手起刀落㗎。」
我：「乜妳唔係唔舒服㗎咩？重咁暴力…妳又咁靚女，又咁正，要我軟都好強人所難啫，就算我唔畀面你，小兄弟都會主動向妳致敬。」
對住佢，我都有啲自暴自棄，但唔關我心邪事。
Q：「你鍾意就硬啦，總之唔好頂到我同整污糟我被竇就得。」
我：「可能佢硬咗會對發熱有幫助呢，打鐵趁熱呀！」呢個時候我用心口黐埋去佢背脊，下半身就當然縮後啦，無輪下面硬唔硬都無理由成抽嘢頂住佢嘅，佢無所謂我都唔好意思。


Q：「係呀，咁我幫你趁熱打到佢變精鋼啦。」
我：「打啦！奉獻畀妳，打到佢鋼咁硬啲精華就會出晒嚟，整臭妳被竇唔關我事。」
Q：「除褲啦，睇下邊個驚邊個？」
我：「妳唔捨得嘅，妳都唔係咁殘忍嘅女仔。」
呢個時候佢抱起咗佢隻豬仔。