我怎可能是女神👸🏻獵人🏹（第一季更新至斷更為止）: 358

我：「無咗對手，基本上九成嘢做唔到，機打唔到，飛機都打唔到…咁條嘢真係戇㞗㞗咯。」
Q：「但條嘢都重有感覺㗎嘛。」
我：「吓…咁我可以點用…搵個牆角嚟磨呀？雖然理論上貼個飛機杯喺牆度都插到，有女人嘅話都可以做到，但無咗對手，搵唔到食生活唔到，重邊有女人肯留喺自己身邊喎，揀都揀個正常㗎啦。」
Q：「當你係二世祖嘞，唔使搵食，打跛手唔使憂。」
我：「咁…係咪可以請幾個妹妹仔嚟服侍我下半身同生活…日日食殘費餐。」
Q：「可以呀，日日唔同女仔都得，唔使你郁騎喺你上面服侍你。」
我：「但係我無得打波，打機，砌LEGO…」
Q：「係呀，咁你會點揀？」
呢個女仔個腦裝乜㗎，點解可以諗啲咁古怪嘅嘢…
我：「用錢買返嚟，其實都係被迫，就算我舒服緊，佢哋可能心入面喺度咒駡緊我，唔會真心想服侍我，我諗…呢啲情況係舒服得幾日，對得耐咗就會人都癲…同埋現實上我重要有對手嚟返工搵錢養妳，閹咗佢算啦，人生做過…都叫不枉此生嘅。」


Q：「為咗我咁大犧牲？」
我：「都唔係嘅…對手好重要，我諗有得打機都可以令我忘記好多唔開心嘅嘢…同埋有對手，咪用佢嚟攪女仔囉，可以揸下摷下，睇到女仔反應，都會有啲滿足嘅，算係叫做安慰下。」
Q：「如果你真係無咗對手咁慘，我都會幫你嘅。」
我：「吓…點幫我呀？」
Q：「你想我點幫咪點幫囉，只要幫到嘅話。」
我：「唔使迫自己㗎喎，幫我貼個飛機杯上牆都叫幫咗我㗎喇，我諗…用腳都可以控制到keyboard mouse播AV嘅，人哋用腳趾彈琴都得咯。」
Q：「邊有迫自己，你幫過我我一定會幫返你。」
我：「Queenie…」
Q：「我唔會俾你媽咪喺天上面睇住你過得咁慘㗎…所以…就係咁嘞。」
我：「真係？我而家…已經想妳幫…嘩嘩唷吔！」


我一時忍唔住講咗句廢話…殘忍嘅QQ竟然一手好大力咁摙咗落嚟，再麻木不仁咁掹同扯。
Q：「嘻嘻，果然閹都重係幾好玩嘅。」
我：「變態，黐線㗎，邊有女仔會無端端攪男仔下面㗎…痛死我喇…」
Q：「鬼叫你諗衰嘢想我幫，我咪幫你冷靜下，我淨係知道男仔好鍾意女仔無端端攪佢哋下面，又好鍾意無端端攪女仔下面啫，哼，我唔怕你㗎，咪又係嗰條嘢嚟，個個男仔都有㗎啦。」
死人頭QQ！老司機！正姣婆！抵妳要成日送外賣喂仔！不過佢呢一下的確摙到我無晒遐想。
我：「係妳無端端同我講埋啲咁嘅嘢整硬我。」
Q：「等你暖啲咋嘛，而家可以瞓喇。」
我：「咁…我使唔使返過去呀？」
Q：「你鍾意啦，不過如果我一陣凍醒咗，又會嘈醒你叫你過返嚟暖床。」
你個麻煩女人…都唔知妳想點…不過謦完啲曳曳嘢之後，唔止我暖咗，就連佢個身都暖埋，好似重有啲心跳加速；無所謂啦，反正都軟咗，我貼埋下半身上去，我腳背貼住佢腳板仔，搭埋隻手去佢肚仔上面。


我：「重有無…M痛呀？」
Q：「好好多喇，快啲瞓啦。」
然後話咁快佢就喺我前面瞓著咗，當然背對住我啦，唔好幻想到佢會面貼面同我攬住瞓；其實佢瞓咗我可以做好多嘢，例如攝隻手去佢條褲入面，不過我實在係唔捨得非禮佢，因為我太過鍾意佢喇；同埋，重點係…隻衰豬吉百利喺度監視我！