我怎可能是女神👸🏻獵人🏹（第一季更新至斷更為止）: 359

到咗第二朝瞓醒，已經剩係得返我一條友喺QQ個被竇入面，呢度重係好暖，好香噴噴，充滿女仔床鋪嘅味道；如果唔係我同佢一齊住，而只係佢咁啱上嚟我屋企瞓咗一覺，我一定會偎喺個被竇入面不停打，係咁打，喪打到啲星星月亮太陽都出埋嚟，正所謂日月精華…
Q：「喂，你重唔起身？我沖完涼喇。」
有樣嘢我其實唔太明，明明每朝我都唔會聽到佢鬧鐘響，但佢就係可以朝朝都早過我起身，唔通女仔嘅聽覺真係靈敏啲嘅？
我：「好凍嘛，唔想出嚟住。」
Q：「我咁怕凍都起到身啦，咪扮嘢呀你。」
俾佢識穿咗添，其實我係唔捨得有佢味嘅被竇。
呢個時候我個死人鬧鐘都響喇，於是我就㩒熄咗佢，我諗緊其實以後我唔較鬧鐘都得，但咁樣又好似好唔負責任要靠晒QQ叫我起身咁。
我：「咪係囉…都唔明點解咁凍妳重可以朝早起身沖涼。」
Q：「乾淨對一個女仔嚟講好重要㗎！」
我：「冬天又唔會出汗，有幾污糟啫…」




Q：「咁至少…下面俾啲M血浸完，沖返個涼點都舒服啲呀？！」Oops，差啲唔記得佢嚟緊M添，對唔住囉…不過我都估唔到佢會講得咁直接。
我：「Sorry…係嘅，真係要沖涼。」
Q：「你呀，污糟貓！就算唔出汗個身體都有運作㗎嘛，咁你不如話頭同面都唔好洗。」
我：「咁又唔得，隻眼會擘唔開㗎…」好似而家咁。
Q：「我勸你就沖多啲涼喇，小心污糟貓無女仔鍾意你呀！」都要有女仔俾我鍾意先得㗎。
我：「妳沖完都無咗九成熱水啦，等啲水煲得嚟都遲到…」如果大家記得嘅話，喺三百話之前我係講過屋企用儲水式熱水爐，好似今日咁凍，佢就會由八十幾度水沖到得返四十度左右，而我就會用僅餘嘅少少熱水，一路煲住咁開細細哋洗面同洗頭，如果唔係就會悲劇。
Q：「冬天係慘啲嘅…夏天一定要沖呀…」
我：「到夏天先算啦…沖埋涼就瞓少十分鐘。」
Q：「你試下唔沖吖？！我一定會全日都唔掂你，諗起你下面抽嘢焗咗成晚都唔沖就想嘔。」
不過問題係…平時返學妳都唔會掂我㗎啦。




我：「有無妳講得咁恐怖呀，男仔又唔會M到嘅…放心，如果我夢遺咗嘅話就一定會沖！」
Q：「你試下夠膽喺我個被竇入面夢遺？！睇下我搵唔搵啲漂白水淋落你條朘度，再將佢塞入你個pat pat窿入面。」天呀…呢個真係平時嘅女神嚟？
我：「乜…條嘢…可以塞到入去後面？」
Q：「多數唔得，要試下先知，你係咪想挑戰？」
我：「唔係，唔試，唔想斷…好在男仔有得避免夢遺，只要平時清咗佢就得，唔似得妳哋咁慘慘豬，嘻嘻…重有無咁痛呀？」
我：「好好多喇…就夠鐘，快啲同我死入去洗頭呀！」