我怎可能是女神👸🏻獵人🏹（第一季更新至斷更為止）: 386

我間唔中都會想進取啲，呢樣嘢我唔覺得關佢男朋友事，我自己都拍過拖知道感情係一回點嘅事情，只要我有勇氣隨時都可以表白，亦唔一定係為咗要佢接受我做我條女；對住兩個EX我可以好灑脫，但喺QQ面前我實在係無晒符，呢種疑幻疑真嘅感覺對我嚟講實在係煎熬，我唔介意食一百個女仔檸檬，無咪無囉，女又唔係必然嘅，但如果當一切攤開，QQ只係為咗住喺度而應酬我…我唔知道大家重可以點行落去，實兩個人都會好辛苦。
我實在唔敢樂觀，佢係一個咁高質嘅女仔，識嘅男仔都有返咁上下，單單要我同社長比都唔止輸一截啦，要佢鍾意我呢啲無無謂謂嘅二打六，唔好話佢，就連我自己都唔係幾信。
其實而家又無乜唔好，我想要嘅大部份都可以滿足到，反正應承咗媽咪唔可以亂咁同女仔做，而且我要對佢好，咁有得玩下掂下其實已經係極限嚟，或者一切維持原狀係最好嘅。
今日返工無啤酒妹，可以專心做嘢，係有少少悶啫。
放工返到屋企已經見到佢喺自己張床上面瞓緊，啱嘅，嚟M真係要休息多啲；佢瞓覺個樣真係好可愛，好得人鍾意，同佢喺學校個八婆樣係兩回事，我諗就算佢講到明唔鍾意我，我都會全心全意咁惜佢嘅，只要佢喺度住得開心嘅話，鍾唔鍾意無得迫，唔係嗰種感覺就唔係，但互相尊重咪得囉；個衰妹瞓到轆咗隻吉百利出被竇，於是我就幫手攝返入去，吉百利乖，唔好嫌我手多…
健：『放工未？瞓咗未？』
我：『放咗，就瞓，乜事？』
真係佢唔搵我都唔記得佢啱啱同Kuromi打完機，話雖我返工都係返一陣兼且唔算太辛苦，但唔代表呢個鐘數我重想應酬佢，所以我都係hea覆。
健：『Kuromi啱啱同我嗔學校有男仔追佢，搞到佢好煩。』
嘩屌？！乜事，原來QQ趁我唔喺度就出招；都啱嘅，如果我喺度嘅話其實佢好難講到嘢，睇嚟QQ都早就計得一清二楚，而且我話過夾喺佢哋中間搞到我好麻煩，睇嚟所以因為咁QQ先特登趁我返工約佢打機…枉我頭先重怪佢趁我走咗同男人玩。




我：『哦，咁跟住呢？』
為咗唔好講錯嘢，我以靜制動，套多兩句口風先。