掟咗三下,硬係覺得爭緊啲,一係隻腳跳得太細幅度,一係個發射角度太差令個滯空時間唔夠,一係就推手timing唔好令到啲力唔係沿直線壓落個波仔度…
點解,推粒鐵波仔都有咁多技巧。
最後我好似唔知推咗七米定八米,牌就當然無,不過我睇返個成績表,原來有第四…妖…可唔可以畀多半米我呀,或者俾我再推多一次…而肥豬呢,就攞到個第二,有塊銀牌,原來佢確實唔係落嚟玩玩下㗎喎。
豬:「好,收工,嘻嘻,你成績都唔錯喎,不如下年再鬥過吖。」
我:「再鬥過…嗯,我驚未必有呢個機會。」
豬:「吓,點解呀?你再報咪得囉。」
我:「你就當我怕咗你啦,小弟認輸。」
其實因為係我年尾出世,大過佢哋幾個月,如無意外我應該會同其他升中五嘅學生一齊去咗甲組;咦,都好喎,咁我咪可以搵機會再挑多次瘟神機?不過下年都唔知乜嘢情況。
由頭先比賽到而家,除咗推波波之外我重有一個節目,就係偷睇隔籬嘅女乙跳高,所以我呢邊比賽完之後都無即刻行開,扮到喺度睇男甲嘅推鉛球,實則望向更加遠處嘅跳高場。
豬:「你個死嘢吖,又喺度昅女。」


我:「乜喎,呢個先係陸運會嘅主要節目嚟。」
豬:「咁又係,你實係喺度睇你個Queenie啦。」
我:「乜嘢我㗎喎…睇Zilvia唔得嘅咩?」
豬:「呢個女仔都唔出聲,無乜感覺。」
我:「睇嚟好多嘢講嘅Uranus最啱你喎?」
豬:「唔要呀,佢太變態喇…除非…」
我:「除非點呀,又俾你迷暈咗任你舞呀?」
豬:「除非…狠狠咁騎喺我身上面玩我啦…」
我:「吓?原來你神高神大…但咁M㗎?」
豬:「唔係囉,但你唔覺得佢成個女皇咁嘅咩,又睇唔起啲男仔,如果做佢男朋友都唔知點相處,不如整個襯返佢嘅位,睇佢自由發揮就好,我就唔信女仔無性需要。」


我:「你咁講都啱嘅,騎唔住佢咪俾佢騎住囉。」
我都算有親身經驗咯,首先畀Carmen當玩具玩,然後又當咗細蚊係自己玩具,到而家QQ…我覺得,可以平等相處就已經好好,畢竟我只係個乜都無嘅屋邨仔。
已有 0 人追稿