我怎可能是女神👸🏻獵人🏹（第一季更新至斷更為止）: 471

豬：「咁你有無睇過女仔打潛艇呀？」
我：「吓…吓…做乜問埋我呢啲咁嘅嘢…」
豬：「你拍過拖吖嘛，你以前條女係點㗎，係咪你要佢就會畀你，咁佢會唔會自慰㗎，係咪真係會伸自己隻手指入去？」
其實…早拍拖真係會好煩，時不時身邊啲人就問你呢樣嗰樣，都唔知答唔答好，答完都唔知會係型吖定係會俾人唱。
我：「呢啲…因人而異，個個都唔同嘅，或者你參考下啲AV囉…應該大致上差唔多。」
豬：「屌你，就係想知啲真嘢先問你咋嘛，唔通個個都好似AV咁456P咩，下下都顏射咩？」
睇嚟佢又真係傻唔晒，但我都係決定迴避佢呢啲問題，或者有機會過兩年先再答佢啦…
去到尾幾round嘅試跳已經剩返六七個女仔，QQ同Zilvia都撞跌咗條bar，睇到佢有啲嘆氣，而Zilvia就望住佢擰擰頭咁，然後兩個人手拖手離開比賽場地，睇嚟佢兩個真係幾friend。
同一時間，我同肥豬兩個都返埋看台。
我：『哈哈…推鉛球第四…唔知我係咪有潛質呢…』




坦白講，我都係講笑，呢啲項目頭幾名個分野其實好大，單係肥豬就多我一米有多，金牌嗰個再多成米，呢個差距就可以話係有訓練嘅選手同㞗掟傻仔嘅分別，要追上去都唔知要嘥幾多年月。
Q：『同你差唔多，衝唔到三甲，第五名。』
我：『重有四百米，畀心機！』
Q：『使鬼你講！唔得閒理你喇！』
我諗，其實QQ係好想攞牌嘅，畢竟佢係一個追求卓越嘅女仔，佢哋之間又有咁大競爭，睇住Uranus輕輕鬆鬆就可以纜個金牌上身點會唔眼紅吖；而我，對於自己嘅失誤同意外都仍然係耿耿於懷，一切已經塵埃落定，銅牌四分，第四三分，再加一分出席分八分，勉強嚟講係咪可以換做一面金牌？唯有咁安慰自己啦。
不過只要QQ一日喺我身邊，我都會年年同佢一齊玩，總有機會可以爭取到更加好嘅成績！
上晝嘅賽事重有一項係已經唔關我事嘅跨欄決賽，過程省略掉，總之社長佢攞到一個銀牌，都叫做交足功課啦，如果我係女仔…都諗唔明有乜原因會揀自己而唔揀瘟神，除非…我需要一間吉屋畀我避難啦。