我怎可能是女神👸🏻獵人🏹（第一季更新至斷更為止）: 486

嗯，都好，聽日就攞嚟玩下先。
我：「吉百利，吉百利，睇怕你主人唔會帶你走㗎喇，過埋今晚…我就可以攬住你瞓，一齊高床軟枕，係咪覺得好溫馨呢？」
雖然QQ唔喺度，但一諗到聽日開始我要瞓返自己原本張床，聞住QQ嘅女仔體香，用肌膚接觸佢嘅天然分泌物，同埋某啲日子入面玩到潮熱汗出嘅人工分泌物…彷彿成個picture已經投射咗入個腦海，同佢喺同一個位置激發腦下垂體嘅功能。
Q：「喂呀！死變態咪恐嚇我隻豬仔呀！我就算瞓街都要帶埋佢走㗎，你唔好攪佢！」
我：「吉百利係咪想跟我多啲呢，我保證你可以好食好住，做隻肥肥白白嘅豬仔…」
Q：「拎嚟呀！唔準掂我隻豬呀！」佢一手搶走。
我：「唓！其實妳出咗街我隨時都可以同吉百利玩㗎啦，例如好高好高，或者地獄風火輪…」
Q：「你夠膽試下再講…總之唔准搞我隻豬，我要你而家發誓，唔會趁我唔喺度嗰陣攪我隻豬。」
我：「使唔使咁認真喎…」
點知佢真係一面認真到爆嘅樣嚟望住我。




我：「我發誓…唔會亂咁攪妳隻豬。」
Q：「如果唔係成世射唔出精！」
我：「使唔使咁狠呀…如果唔係成世射唔出精…」
Q：「乖喇，唔准攪我隻豬。」
我：「唓，妳隻豬一早無咗啦。」
Q：「衰人！講乜呀你！衰人！打死你！」
佢行埋嚟，左手抱住吉百利，右手係咁拍打我嘅心口；唔太痛嘅，但我覺得好sweet。
如果成世都可以俾佢咁樣打，其實都唔錯。
Q：「搞掂，執完，你自己照顧自己喇！」
講完佢就開門，推咗個喼出去…其實我都好想幫佢，但如果俾瘟神見到就水洗都唔清；不過呢，QQ喺啲手腳功夫上面其實幾能幹，只要肯放低港女嘅身份做嘢就好爽快，所以我都唔擔心佢。




我：「吉百利，又得返我同你喇…」
我：「吉百利肚唔肚餓呀？想唔想食叉燒飯？」
佢個樣好似有啲嬲咁望住我…
我：「我好羨慕你呀，可以晚晚俾QQ攬住瞓。」
我：「你鍾唔鍾意佢對波波呀，係咪好軟？」
我：「點解吉百利你唔係紫色嘅？其實…你食唔食得朱古力㗎？」
再係咁一個人獨留在家，我實黐線都似。