我怎可能是女神👸🏻獵人🏹（第一季更新至斷更為止）: 520

但係今次呢…又油，重有豉椒，炸蒜，我都幾驚佢越搞越禍，所以想出手幫佢。
我：「妳得唔得㗎，啲碟好污糟，不如留返畀我洗啦。」但佢唔理我繼續戴手套。
Q：「無得唔得，如果我畀返你洗容乜易你爹地以為我係死港女虐待佢個仔喎。」
我：「我都明…但佢唔會咁諗嘅…」
Q：「同你呢個鹹濕仔住埋一齊都得咯，重有乜嘢係唔得嘅呢？」佢蠱惑咁望住我。
我：「乜喎，小小鹹濕啫…但我好人嚟㗎，住咗咁耐我都無對妳做過啲好過份嘅嘢吖。」
Q：「我知呀，所以先肯同你住埋一齊咋嘛。」
係鬼…明明一開始就話唔介意畀我抽水。
Q：「重有呀！唔該你唔好喺學校同我講咁多嗰啲嘢呀。」
我：「嗯…Sorry囉。」




Q：「我唔係唔肯同你謦嗰啲嘢呀，但好心你就留返喺屋企先同我謦啦，雖然我哋隔籬啲同學普遍都幾自閉下，但如果傳咗出去又唔知啲人會點樣講我哋㗎喇。」
我：「我知道喇…但妳真係肯同我謦㗎？」
Q：「有乜所謂，我哋兩個都唔係細路仔嚟啦，你有嘢咪講囉，只要尊重我就得。」QQ一路捽碟一路同我講，而我就好驚佢手套跣手變飛碟。
我：「真係乜都講得？」
Q：「嗯，直到你俾我打或者閹囉。」
有時，我真係唔太明女神的準則，但呢個亦都係好玩之處，試試下又柳暗花明咁。
我：「妳鍾意喺上面定下面？」
Q：「吓，我好少好少可會喺上面㗎喎，除非佢有啲乜嘢重大功德啦，我知道呀，你哋想睇我哋喺上面吖嘛，好似俾人服侍咁，又有得睇我哋個淫樣，但咁係你哋鍾意啫，不過呢，喺上面我哋可以控制返個節奏，速度同位置，有時都唔錯嘅，但係物以罕為貴，我絕對唔會隨便喺上面。」
我：「好多謝你嘅詳細回答…」
女神嘅回答都好符合一般女仔嘅思路，同大卡車嗰啲乜咁鍾意睇佢喺我上面…結果我俾佢強姦個嘴嘅女仔完全唔同。




Q：「你無嘢問嗱？」
我：「無喇，法官大人。」
Q：「你咁多EX，重有乜唔知吖，使乜問我喎。」
我：「唔關事嘅，只不過，我哋平時相處已經係咁，其實唔需要特別去謦呢啲嘢…」
Q：「咪係囉…喂，係呀！我哋小學都畀人呃咗呀！」吓？呃乜？我無俾人非禮喎。
我：「係妳俾人呃咗？同男仔玩閹？」
Q：「三男三女三個套唔夠用呀。」
我：「真係唔夠？個個都講到夠用㗎…疊埋佢…」
Q：「係，兩男兩女兩個套就夠，但三男三女…我諗咗半個鐘砌極都唔夠數，一定要有第四個先得。」
我：「有啲咁嘅事？明明我細個諗咗好多次…」




Q：「你信我啦，晏啲一齊計，畫埋出嚟好唔好？」
我：「嗯，妳話事啦，我都想知真嘅答案。」
Q：「等你爹地唔喺度先囉，同埋…如果你送玩具畀我，我係會收嘅，但唔代表我會用呀下。」
我：「妳係…指嗰啲？」
Q：「係呀，唔通送Lego畀我咩，不過最好就得意啲，cute啲，我唔要見到啲乜刑具，手扣嗰啲…」
我：「哦…咁等…有機會先…我都唔知買唔買得…」
呢個女神實在古靈精怪…然而當佢洗緊碗嘅時候，我發現咗樣奇怪嘢。