我怎可能是女神👸🏻獵人🏹（第一季更新至斷更為止）: 536

健：「唔使咁喎，又唔係靚女，唔多出聲嘅。」
康：「都係吖，有得同女仔吹下水都好呀。」
健：「想同女仔吹水使乜靠返學喎，我打傳說都有得同Kuromi吹水啦，又無咁尷尬。」
人仔…你唔係同人吹水，你係俾人玩緊咋。
康：「重好講！都話我無機打！信唔信我打你！」
我：「冷靜啲啦，放假應該開開心心嘅…」
康：「你就放假，我而家重要補習，聽日都係。」
我：「無所謂啦，當有人教做功課啫。」
康：「唔講喇，我要行先，遲到會俾人鬧。」
健：「咁你點呀？返屋企嗱？」




我：「重諗緊，一陣又要去買餸…」
健：「不如我哋又去做下功課先咯？」
我：「都得嘅…但去邊度做？中心？」
健：「今日係咪你個橋牌學會嘅活動日？不如去坐下咯，咁咪可以順便做功課。」
我：「吓，但你又唔係member…」
健：「無所謂啦，hea爆學會都無王管嘅。」
臨放假，好多時啲學生就會唔想咁早放學，留喺學校磨爛蓆；無所謂啦，反正聽聞QQ今日放學都有嘢搞，我咁早返去咪又係自己一個人。
「咔嚓。」
我：「妳返嚟嗱？」
Q：「係呀，返嚟喇，掛唔掛住我呀？」




我：「呀…有乜好掛喎…」
Q：「以後返學無我坐你隔籬，係咪好唔捨得呢？」
我：「小小啦…咁返到屋企咪又係對住妳。」
Q：「吓…你唔再好似係以前咁想由朝對到我晚嗱？」都唔知佢搞乜，可能放假關係個人特別興奮，對住我有啲大送秋波嘅感覺，烏低身兩隻手捉住我膊頭喺度搖下搖下咁。
我：「係係，我好掛住妳，好唔捨得，OK？」
Q：「講大話，而家有新女坐你隔籬，唔識人啦。」
佢講完就除校服，隨手劈落梳化上面，冬季校服係著埋今日最後一日，好明顯就係叫我乖乖幫佢洗衫；話咁快就得返底衫褲，我瞬間用格林威治黎克特制目測下佢嘅上圍，得出咗Wendy應該係大過佢小小呢個結論。
咁當然，係大唔過Carmen同Bubble。
我：「乜喎，唔好講到我係女都啱好唔好。」
Q：「啱唔啱未知，不過有食唔食，罪大惡極。」




佢一路講，背對住我除走埋個Bra，又見到佢嗰兩條箍咗一整日嘅Bra帶痕…如果係要講到我有食唔食，我一早喺妳後面擒住妳食埋妳啦，知唔知我每日忍得幾辛苦呀？同埋…細蚊撩我玩我都忍住咗啦，我覺得以男仔嚟計我已經算係半個聖人。
我：「乜都無得食，係都要等十六歲先。」
Q：「呵，好彩你重記得應承過我啲乜。」