雖然以後上堂無得坐隔籬,但喺屋企一齊做功課同溫書嗰陣都係一樣啫,以後就勤力少少,好好珍惜一齊喺屋企努力嘅時間咪得。
Q:「嗱,咁咪做完份預習囉,半個鐘都唔使。」
我:「有妳喺度先係啫,我自己一個睇篇文,半個鐘都唔知睇得完未…」
Q:「咁係你唔專心啫,同埋一定要自己睇呀,唔准剩係抄我啲答案㗎,中文功課唔可以隻隻字都一樣,好啦,咁跟住做呢份啦。」
我:「吓…好多空行喎,會抄死人。」
Q:「做功課都有先後嘅咩?全部都要做㗎啦,呢份明明係你最鍾意嘅生物學嚟,性教育喎。」
我:「我鍾意睇同聽啫,唔代表我想做功課。」
呢張worksheet,有兩大幅男女嘅性器官喺度,側邊有好多橫線係要嚟填返嗰part嘅中英文名同埋用途;而最後重要講兩個避孕方法嘅advantages同埋disadvantages,煩到媽咪都唔認得。
Q:「哎吔,攞返本書出嚟抄,其實全部都有晒。」
我:「唉,我都唔明,咁既然書上面都有,點解係要我哋抄多一大次喎。」


Q:「唔抄你又點會記得喎,唔好唔記得放完假返去就有bio quiz,即係呢張worksheet嘅背默嚟。」
我:「明明之前眼耳口鼻都無教到咁深,係背下oesophagus點串啫。」
Q:「先生知你哋有興趣嘛,咪教深啲囉。」
我:「我要澄清一下,絕對無啲咁嘅事,呢個世界有penis同vagina就夠,其他都係多餘嘅。」
Q:「係呀係呀,你睇AV咪重多餘,睇極都係對住呢兩嚿嘢。」
我:「嚴格嚟講係剩係睇女仔嗰嚿,其他自然忽略乜都睇唔到,同埋只會睇到出面。」
Q:「你唔使咁多藉口,快快脆脆做完呢份嘢,你重要煮晚飯畀我食。」
計我話,呢份功課應該用AV女優嘅相嚟做幅圖,再加少少X光透視咁嘅效果,大家一定會更有衝勁去完成呢份功課;但男嗰邊又點搞呢,我唔係太想見到清水健嗰枝大炮…
我:「Testis…睪丸…production of sperm…點解我要記埋啲咁嘅嘢…」
Q:「你呀!精就識射,背嗰少少嘢就阿趑阿趄。」


我:「咁係吖嘛,妳夠識食飯啦,但會唔會學埋種米?唔會吖嘛,妳連飯都唔識煮啦!」
Q:「乜喎,咁點同,同埋我而家好咗喇,識自己整嘢食…你呀,咁唔想背,等我切咗你粒蛋,以後無得production of sperm咪唔使背囉。」
我:「喂喂喂!咪非禮我呀!」
明明就係同一個道理,想煮飯咪買電飯煲,去超級市場買米,邊有人會學插秧㗎,要生仔就話要學插秧啫…啲精子明明就自己會生產出嚟,就算唔專登射都會夢遺,咁我做乜要學佢點生產呢?又唔係我控制佢生唔生產或者點樣生產,呢啲天然㗎嘛,你話係咪無鬼謂…
已有 0 人追稿