我怎可能是女神👸🏻獵人🏹（第一季更新至斷更為止）: 568

我一聽到旺角樓上餐廳，腦海即刻浮現咗Angel姐姐嘅故事，污煙瘴氣嘅cafe，唔三唔四嘅同事，不務正業嘅MK仔band友，綠油油嘅草，重有多人參加嘅派對式運動…加埋個老竇走咗佬嘅女仔。
Q：「唔會吖…我見無乜特別，都幾企理。」
我：「妳小心啲好喎，第一次做嘢乜都唔識。」
Q：「唓，你自己夠係第一次返工，做乜話我喎。」
我：「點同，我識馬叔叔，佢起碼都會睇住我。」
Q：「知你叻喇，不過我今日已經觀察過，應該一切正常，個女僕都係好普通嘅妹嚟，唔覺有乜問題，而啲客…咪好似細龜咁嘅男仔囉。」
我：「咪住先，個老細…係男定係女嚟㗎？」
Q：「知你驚乜啦，係個廿零三十歲嘅姐姐嚟，感覺上都幾好人，佢負責煮嘢食嘅。」
我：「原來係咁…都好啲嘅，祝妳好運。」
Q：「唔使咁驚喎，如果我覺得唔對路會閃人㗎喇，唔好當我係嗰啲無知小妹妹。」




我：「係喇係喇，知妳係經驗豐富老司機。」
Q：「你試下再講，吖，嗱！」
我：「咪…咪扭！痛！邊有女僕好似妳咁暴力！」
Q：「你又唔係我嘅客，有乜關係喎。」
於是乎我喺電腦枱上面求祈攞咗一個十蚊銀。
我：「嗱，乖乖，幫我去沖杯茶過嚟啦。」
Q：「唏！你當我係乜呀？」
我：「咪女僕囉，又係妳自己話要做女僕。」
Q：「唔呀，偏偏就唔做你嘅女僕。」
我：「妳間餐廳喺邊呀，等我嚟幫襯下妳喇。」




Q：「死都唔話你知，唔準你幫襯我。」
我：「唓，好矜貴咩，只要有錢，我是但去一間都可以有女僕服侍我啦，又唔係得妳一個。」
Q：「唔好啦…無謂嘥啲無謂錢，你喺屋企都有靚女睇啦，係咪？」
我：「嗯，又係嘅，我都係講下笑…但係，妳做乜無端端搵嘢做嘅？」
Q：「我見你返工嗰陣好似幾得意，自己又想試下咋嘛，同埋搵到啲錢，咪唔使下下問你攞囉。」
我：「其實我都無介意過，咁…我哋一齊生活㗎嘛，計較咁多做乜呢，你話係咪呀，絕對領域？」
Q：「喂，咪乘機博懵好喎，做乜抱住我隻大髀？死變態佬！」
我：「咪叫妳咪咁計較囉，女僕呢啲嘢…就係愛嚟畀我哋啲少男性幻想打飛機用咋嘛，唔係咩？」
Q：「走呀！淫蟲！變態！垃圾！」
唔知QQ做乜想搵嘢做呢？因為想使多啲錢？而家有我啲收入同老竇畀多咗一千蚊都叫做OK啦，雖然錢呢啲嘢確實就係多多益善嘅。其實點我都係有啲擔心佢，但既然佢話安全我又無理由唔信佢嘅…重有，女僕裝QQ都係好鬼死正。




Q：「不過我有一個問題…用返學鞋配套衫會唔會好奇怪？」
我：「差唔多啦，我覺得唔係波鞋就得。」
Q：「嗯…其實我都唔太知女僕應該著乜鞋，睇下第時有需要再買啦。」
我：「其實人哋再昅都唔會輪到妳對鞋啦…」
Q：「你估個個都好似你咁鹹濕咩，唔鬼理你，件衫啱身就得喇，換返屋企衫先…」