我怎可能是女神👸🏻獵人🏹（第一季更新至斷更為止）: 569

套女僕衫就同普通長裙一樣，QQ拆開個蝴蝶結，解開兩粒鈕就成件抽起穿過個頭除返出嚟…
我：「噗…哧…」我忍唔住笑咗出嚟。
Q：「你又喺度笑乜呀？死人頭。」
我：「妳…唔好郁住…我…唔係想昅妳，但妳呢身打扮真係好奇怪…噗。」學生鞋，黑色大髀長絲襪，PE褲，加個粉紅色Bra，而個頭箍都重掛住喺度。
Q：「我作死你呀！夠膽笑我奇怪！」
我：「咁係吖嘛，做乜無端端著打底褲喎？」
Q：「條裙咁短，梗係要打底啦。」
咁都好啲，我都唔係好想佢俾啲毒撚睇蝕晒。
我：「平時返學又唔見妳打底…」
Q：「冬天深色裙唔易走光，打嚟都無乜意思，夏天白色裙好易透出嚟，個個都睇到好似太過做作，而且又肉酸。」




我：「妳都攞嚟講嘅，有白色打底褲㗎嘛。」
Q：「唔好話我話，如果著白色打底，你哋䚎到一隻角仔嘅話都會一口咬定係白色底褲，咁嘅話已經失去咗打底嘅意思，打底嘅目的就係要令你哋不帶僥倖咁保持絕望嘅心態。」
我：「妳…又真係好清楚我哋咁喎…」
Q：「是但啦，反正我平時都好小心，真係俾你哋望到咪當派下福利益你哋。」
我：「咁我咪好幸福，喺屋企日日都有福利。」
Q：「你知就好嘞，喂，乜你唔係夠鐘返工喇咩？」
我：「嘩！死火！得返八分鐘，做乜唔早啲提我？」
時間趕迫，我都唔理得QQ喺我面前，除件衫飛出嚟再踢走埋條褲，換返做嘢嗰套衫。
Q：「係你自己顧住喺度昅女同笑我，關我乜事？」
結果呢，QQ都重未著返衫我就已經飛奔出門口。




雖然QQ真係好好睇，但我係有理智嘅，如果我養唔掂佢嘅話，佢就未必會喺度，所以返工先係最重要嘅，馬叔叔我嚟喇！
話咁快，時間就嚟到第二日喇！
Q：「咁你繼續做功課啦，我要準備出門口喇。」
我：「妳會唔會顧住做嘢做唔切啲功課㗎？」
Q：「有乜可能，我已經差唔多做晒喇，你顧掂你自己先啦！」QQ隨手攞起枝唇膏搽落嘴唇度。
我：「咁就好，我最驚係妳做唔晒我無得抄啫。」
Q：「唔准乜都抄呀！重有個衛斯理閱讀報告，我就睇下你點抄。」
我：「我諗…上網搵下都有相關資料嘅。」
Q：「唔理你呀，你上網搵得到嘅嘢其他人都會搵得到，小心Miss Tang要你重做。」
我：「妳唔係要變身做女僕嘅咩？做乜著返普通衫嘅…」等咗成個晏晝，結果睇唔到女僕版QQ…




Q：「我又唔係真想做女僕，做乜要著住件衫通街行，我唔想所有人望住我囉，同埋撞到熟人嘅話我點算，水洗都唔清，梗喺返公司先換啦。」
咪即係話…我以後都無機會睇…失望。
雖然我可以叫佢換畀我睇，但又好似好乜嘢咁。
Q：「我走喇，bye bye，你畀心機呀。」
我：「妳先要畀心機返工呀！」