我怎可能是女神👸🏻獵人🏹（第一季更新至斷更為止）: 572

無風無浪，喺功課同倪匡嘅陪伴下嚟到星期三。
QQ推薦我睇地圖、貝殼、老貓…但我偏唔聽，我見到有一本個標題係叫做鬼混，諗住會有啲激情環節無咁悶；結果，由於係後期嘅作品，入面啲人物關係睇到我一頭霧水，的確係有一對年輕男女小寶同藍絲喺度鬼混，但主要都係講降頭巫術呢啲，等極都未見到啲我期待中嘅香豔情節，而家睇咗三份一到，進退維谷，都唔知係咪應該繼續睇落去…
如果我識巫術都唔錯喎，可以迷咗QQ，要佢喺屋企跳豔舞畀我睇，做我嘅私人女僕服侍我，晚晚全裸用手擘大大髀等我鑑賞佢嘅身體，然候我用手指安撫佢就會喺度流口水傻笑。
但如果無晒意識又唔好玩，最緊要可以打回原形，變返平時霸道暴力嘅QQ，咁就十分有趣，當佢每次曳嗰陣我就去寵幸佢。
Q：「好喇，我又夠鐘出門口，再見。」
我：「行ってらっしゃい…」
由於佢成日喺度練嗰幾句日文，而家連我都識講…
而我，就繼續幻想自己係溫寶裕，沉迷藍絲妹妹嘅美色以及胴體，一邊捱倪先生啲文字。
※※※※※
妹：「太好喇，可以同妳一齊開工！」




我：「嗯，多多指教，一齊努力！」
第二日返工，今日係同沙織一齊嘅；其實努力都只不過係口號嚟嘅啫，聰明人都會知道呢啲餐廳賣嘅就係我哋嘅美色，雖然只係一個好低嘅限度…簡單嚟講，我哋最重要就係保持個樣，維持同客人一定距離喺度行行企企，間唔中同佢哋有眼神接觸，再維持一個天真無邪嘅笑容，無論啲客嘅神情係幾咁怪異…再為佢哋奉上一啲低成本超級普通但唔算難食嘅食物，再收取高級餐廳嘅價格。
喺得閒嘅時候，沙織都會同我喺度謦欬，佢同我講無所謂，反正咁樣啲客會以為我哋留心唔到佢哋嘅動作而昅得更加開心…咁我又無乜嘢嘅，平時喺學校都俾人昅慣，鬼叫我生得靚女咩。
比起桃子姐姐教我點樣做返似一個女僕咁侍客，沙織就更加鍾意同我吹水，分享返佢做女僕侍應嘅經驗；佢同我講呢間係佢第三間打工嘅鋪頭，第一間個老細係個男人嚟，啲鹹鹹濕濕嘅眼神同埋態度令佢好不安；而第二間就係由一堆女僕夾錢開嘅鋪頭，佢喺嗰度俾其他資深女僕欺凌，而且餐廳管理極度混亂；所以兩間都係做咗唔夠一個月就走咗，直至搵到呢間比較好嘅落腳點先長做。
當然，佢都有分享下呢行黑暗嘅一面；例如有女僕俾老細攪大咗個肚，有女僕俾客人起底再長期騷擾，又有女僕為咗錢結果同客人賣到上床變PTGF；咁呢啲都係我意料之內嘅，女僕多數係MK妹，個個都凱婷咁曳，讀書又唔成，貪玩得嚟又蠢，會發生呢啲事可以話係船到橋頭自然撞。
屌…死火…黐得交叉仔多，學埋佢啲爛中文…
我同自己講，我Queenie只係嚟腳踏實地搵少少生活費，要保持頭腦清醒，絕對唔會發生以上嘅事。