我怎可能是女神👸🏻獵人🏹（第一季更新至斷更為止）: 622

Q：「你果然都係掛住同亂嚟嘅大波姐姐玩。」
我：「先旨聲明，我係一個有正常慾望嘅男仔嚟，但呢一刻，我完全無玩弄任何一個女仔嘅打算，更加唔想傷害到佢哋…而且Carmen就考DSE喇，我係絕對唔會騷擾佢嘅。」
Q：「你又唔使咁緊張，日日對住你點會唔知你係點吖，只係，我覺得我有拖拍…如果你都有女朋友嘅話，咁樣好似唔錯。」
我：「唉，兒女私情嘅嘢…第時再算啦，而家真係未有呢個打算住，一諗起我英文掂都未掂過…」
其實，一切都係因為QQ妳咋，我唔會放棄…
Q：「你知就好啦，呢度有張生字卡，袋落褲袋一陣返工無嘢做嗰陣就攞出嚟睇一睇啦，但你記住唔好分心打爛嘢喎，我唔負責。」
我：「多謝Queenie…」
講真，如果你問我Wendy對我有無嘢，我覺得係有少少嘅，尤其係嗰次食完飯之後佢就著少咗好多冷外套，個人都比較放開咗敢同我講唔同嘅話題；當然啦，我都會就返住佢，唔會一嚟就問佢有無打潛艇咁刺激嘅，而佢通常會講佢啲friend鍾意邊個男仔，又或者問我覺得某個男仔好唔好，點睇某對情侶嘅戀情咁。呢啲應該係叫友達以上？但無論點有排都唔會變戀情啦，我就唔信一個未拍過拖嘅女仔會主動追男仔…千祈唔好，我唔想請人食檸檬；其次，有得食但唔食嘅話會令我好心痛。
如果…假設咋…到QQ十六歲，問我想唔想要，我會即刻狗衝埋去，只要佢唔閹爛我就當佢慾拒還迎逆來順受，理得佢條仔想唔想戴帽吖。
反正我都俾細蚊背叛過。




就快DSE，日日都會見到啲中六生返嚟煩住啲先生，有啲好似唔捨得中學生生活繼續著住整齊校服，有啲就著PE衫返嚟順便打下波，當然亦都有啲索性著便服甚至染埋頭嘅甩繩馬騮…女…啲師姐好正呀！一頭啡髮，短T，熱褲咁重成世界嘅？
當你夜鼆鼆喺球場，有個著住校裙嘅女仔坐喺側邊睇你會覺得好正；而喺學校就掉返轉，物以罕為貴，隔籬碟飯硬係香啲。
Anyway，都幾有溫書氣氛嘅。
W：「阿爽呀，你今日放學得唔得閒呀？」
嗯？乜事？上次約完我食飯之後都無乜事發生…
我：「得閒呀，基本上…我日日都無嘢做嘅。」
唔使補習，無興趣班，唔使應酬父母，放學會飛機又無女溝嘅我，放咗學既主要活動就係等QQ返屋企…
W：「咁…不如，我哋一齊去圖書館溫書好唔好？我有啲嘢想問你。」