我怎可能是女神👸🏻獵人🏹（第一季更新至斷更為止）: 621

我：「我只係講事實咋，如果妳入得廚房就perfect嘞，到時應該全級頭五無難度。」
Q：「你…好黑人憎呀！出年咪無home E囉，到時就公平晒，我唔會再唔合格。」
我：「但話時話，妳而家無得補習，O唔OK㗎？」
Q：「你覺得我有問題咩？而家啲嘢又唔算好深，自己睇書都得嘅，同埋唔使學琴又多咗幾個鐘用，加埋唔使應酬爹地媽咪，全部時間都係自己嘅，真係唔識咪問男朋友囉…」
我：「咁就好，我唔識問晒妳就得。」
Q：「都得嘅…算啦，我都抖返陣…呀，唔好話我唔提你，韻婷佢對你…好似有啲嘢咁。」
我：「吓…何出此言呢…普通friend咋喎。」
Q：「雖然我同佢唔熟，但唔多唔少都會喺女仔圈度聽到啲消息嘅，好似話佢提起你就眉飛色舞咁，同埋見你平時同佢都好好謦吖。」
我：「眉飛色舞…可能係講我壞話，例如以前小學啲低B嘢掛，至於謦欬，我同個個都係咁㗎啦，除非好似Zilvia咁我就無符嘞。」
Q：「如果佢真係鍾意你，你諗住點？」




細蚊都鍾意我啦，我又可以點…
我：「我…無諗住點呀，同埋佢都未拍過拖，乖乖女嚟，應該唔會諗呢啲嘢掛，有都收收埋埋啦。」
Q：「就算你明知人哋暗戀你都無動於衷？」
我：「我覺得，暫時專注返喺學業上好似好啲，太細過拍拖…無乜益處。」
Q：「你講句咁嘅嘢出嚟怕唔怕笑壞人哋把口。」
我：「邊有喎，咁係吖嘛，以前就話想求祈搵條女，為咗嗰啲嘢…而家應承咗媽咪同妳。」
Q：「咁係叫你唔好衰十一啫，都無話唔俾你拍拖㗎，定係你嫌人哋唔夠靚女，或者唔玩得咋？」
我：「我又未至於咁睇樣嘅…雖然窈窕淑女，君子好逑，但兩個人一齊重要睇好多嘢㗎嘛，況且呢啲嘢唔係玩玩下，佢正經女仔嚟，妳話Carmen咁款就話啫，我唯有自暴自棄。」
如果唔係識到妳，我一早諗緊辦法氹佢上床破處啦，樣呢啲嘢好閒，過到自己嗰關就得，最緊要有得食，剩係對波都挽回唔少分數，處女更加要打個square畀佢…QQ…你估我有頭髮想做癩痢，有精專登唔射咩。