蚊:「阿健,我隻腳好痕,可唔可以買無比敵畀我。」佢用個慘樣望住我,都無得揀㗎啦…
我:「嗱,呢度五十蚊,自己攞啦。」
雖然已經好夜,但重會見到啲情侶玩完嚟呢度補給準備走人,啲女重要著到好少布咁,都唔知係咪爆完房嚟;而我,都唔知自己喺度做緊乜。
轉個頭,細蚊攞住枝無比敵同葡萄適過嚟。
蚊:「有三蚊找返呀。」
我:「嗯,唔該妳。」
佢攞起枝葡萄適離口飲咗一大啖。
蚊:「你要唔要啲呀?」
我:「好,多謝。」
跟住佢就踎喺度幫自己隻腳搽無比敵…


佢今日嘅衣著係白色牛仔熱褲,鮮藍色背心;我呢個角度清楚咁望到佢背心入面個白色Bra,好似重有少少離罩,入面就得少少肉咁…唔睇得㗎,佢係阿爽EX,一陣佢同阿爽講話我變態咁望住佢就弊。但係,佢條褲都真係好短,差唔多見到pat肉,入面條底褲都就攝埋出嚟咁…但其實後面pat pat都睇晒佢條米色印花底褲…
著到咁,其實係咪都預咗身邊男仔睇到?
Queenie又唔知搞乜鬼,都唔知啲女仔諗乜。
見重有啲時間,我攞起本game書嚟睇。
細蚊搽完腳,見我睇書佢又攞起本少女雜誌。
我:「重有十分鐘,行咯。」
蚊:「嗯。」
其實碼頭就喺OK隔籬,不過話明尾班船就梗係要謹慎啲,唔可以俾自己有上唔到船嘅機會。
點知去到碼頭個壆嗰度…
蚊:「死火,今次弊家nel!」


我:「做乜呀,Man…」
「喂!Mandy妳終於出返嚟嗱?知唔知道我搵咗妳幾耐?呢個係乜水嚟?」有個MK仔行咗埋嚟。
蚊:「無人叫你搵我,佢係邊個都唔關你事。」
「兄弟,佢約咗我,無端端消失三粒鐘,你話佢究竟搞乜鬼呢?」
我:「我點知佢搞乜鬼…」
「係囉,咁你唔知佢做乜,不如而家消失啦,好無?」佢叉起咗條腰,拜託,我唔想好似叉仔咁…
蚊:「喂!咪嚇我條仔呀!收皮啦你!」
「佢係你條仔?邊忽似呀?㞗吹呀?」
我:「咪攪我女朋友呀!仆街!」
都唔知邊度嚟嘅勇氣,我將細蚊拉咗嚟我心口度攬住佢個膊頭,再對條友大聲發惡。


「妳好嘢呀下,有仔重約我出嚟,正一八婆,蕩婦,賤女人快啲去做雞啦。」
蚊:「無人約過你囉,第一次見就想同我上床,好心你死返去叫雞啦!」
「呸!正一狗男女,祝你哋快啲生性病,臭閪配爛J,連生貴子,再冚家鏟…」好彩佢都係得把口,一路講一路行返去大街嗰邊。
我:「妳喺邊度識埋啲咁嘅低B仔…」
蚊:「無呀,玩online game咋嘛…」
睇住條仆街消失喺啲村屋中間,我發覺唔對路。
我:「呀,唔好意思呀,無心…」我鬆返開佢。
蚊:「唔使,多謝你幫我趕走佢就真,好彩你喺度咋,如果唔係佢實死纏難打。」
已有 0 人追稿