我怎可能是女神👸🏻獵人🏹（第一季更新至斷更為止）: 688

我：「唔好亂咁識男仔啦，交叉仔會擔心。」
蚊：「第一次見點知係啲咁嘅人喎，唔講喇，快啲入閘上船啦。」
我：「咦，唔係尾班咩，條友唔使走㗎？」
蚊：「理得佢死喺度啦。」
然之後我哋就上咗船嘅上層坐低，船艙入面只係開咗暗燈，應該係方便人休息，細蚊揀咗個後排嘅窗口位坐。
我：「我覺得…上網識人都係好危險。」
蚊：「你估我唔知咩，同你講呀，壞女孩都大把，你小心自己好過啦。」
我：「都係…我都唔敢識女網友。」
俾Queenie玩咗鑊甘，真係會有心理陰影。
然之後我就唔知同細蚊講乜好，又唔係太清楚佢同交叉仔而家關係係點，為免講多錯多…




我：「你應該都攰，慢船有排搭㗎，瞓下先啦。」
蚊：「嗯，落船就嗌醒我啦。」
當然，佢係挨住個凳凭，而唔係挨落我膊頭。
以前睇住阿爽識女，總係會一邊羨慕，一邊覺得佢亂咁嚟，同大姐姐又點會有將來吖，對住呢啲躝街屋邨妹都係為咗食散餐啫；我唔認同佢呢啲係感情，只係為咗食女同扮威，根本就唔係真心鍾意個女仔…但唔代表我唔想好似佢咁，日日可以同女仔去wet，可以親手摸佢哋嘅身體；到之後佢戴帽，我都認為佢抵死㗎，咁認真嚟做乜，好女仔點會成日躝街，重要咁易畀埋第一次你，有咁嘅結果可以話係預咗。你做初一，人哋做十五，大家都係玩玩下，興奮過刺激過咪算囉。
完全無諗過佢會為咗佢口中嘅賤女人而擋刀。
諗返起自己，就更加唔知做過啲乜，以為對Kuromi情深一片，對佢有咁好得咁好；到頭嚟，我只係一個煩住佢嘅傻仔，而佢重要好心花時間同精力嚟應酬我，等我唔好傷心；起碼唔會已讀不回，每次唔得閒玩都要作個原因嚟解釋。
我望住隔籬瞓緊嘅細蚊…佢唔算係好女仔，但亦都唔係壞女仔嘅，只係一個普通嘅女仔。
讀唔成書有好多原因，屋企環境，學校問題，同學圈子，天生唔夠叻，未必係佢嘅錯。
雖然成日躝街，但都無食煙，無吸毒，無入黑社會蝦蝦霸霸，無偷呃拐騙，只係貪玩啫。
樣就天生，唔到我哋揀，生得唔夠高，平胸佢都唔想；身為屋邨妹，自然無乜錢打扮，外表就好難吸引，亦唔係佢嘅錯，反正我自己都無乜錢。




喺個背心袖口位，我隱約睇到入面個Bra，雖然無乜肉，但我都想摸下。唔係長腿，亦未夠白滑，但始終都係少女嘅腳嚟。如果有個咁嘅女仔肯做我嘅女朋友，我肯定而家嘅我係會願意，唔會嫌棄人哋唔三唔四，至少可以鍾意一個真實嘅女仔。
而唔係對住一個不存在嘅女仔發花癲。
可惜，如果唔係因為有阿爽呢個兄弟嘅關係，我連同個咁普通女仔搭船嘅機會都唔會有。
現實世界係好殘酷，當你有得日日對住Queenie，回頭再望返Mandy…實在唔知阿爽佢會點諗。
『Kuromi，妳好靚，多謝。』
唉，實在有夠戇㞗㞗。
唔怪之得個傻仔無條件返工搵錢養妳都肯。
如果妳需要，我可以跪喺妳面前幫妳洗腳，用條脷吮乾淨埋啲腳趾罅都得，只要妳唔同人講。