我怎可能是女神👸🏻獵人🏹（第一季更新至斷更為止）: 711

Y：「希望你唔好唔記得你食雙餸飯嘅同時，重烚咗碟西生菜，定係你想同我講喺條街都烚到菜？」
唉，我真係好驚叻嘅女人…佢絕不下於QQ。
我：「佢…同我…喺我屋企食。」
Y：「咁Queenie同你究竟係乜嘢關係？」
我：「其實…我同佢嘅關係好普通，首先就唔會係男女關係…Yvonne，我求下妳唔好再問啦，Queenie都係妳嘅朋友嚟，妳無理由想佢唔開心嘅。」
Y：「係嘅，反正佢唔開心對我都無乜影響，無論佢過得好定係唔好本小姐都係咁過日子，所以我無興趣做啲乜去傷害佢，至於你同佢嗰啲不可告人嘅秘密呢，我相信來來去去都係咁嘅啫，就算你同佢係SP關係我亦唔覺得有乜大不了…」
我：「唔會啦…佢唔係啲咁隨便嘅女仔，我亦都無乜嘢可以畀到佢…」
Y：「OK，我可以唔問，其實我無乜大興趣知，不過既然你想保護你女神嘅秘密，睇怕要識做…」
我：「吓…我…要做啲乜？得閒請妳食下嘢OK嘅，但我其實唔係有錢，同埋…妳都唔使我請啦…」
Y：「哈哈哈，我而家好開心喎。」




我：「係咩…咁就好，但到底係乜原因？」
呢個咁陰險嘅女人，笑起上嚟真係好恐怖，實在唔太明QQ點解會同佢做老友，呢啲八婆…
Y：「因為…我搵到件好玩具囉，哈哈！」佢用手指扚起我下巴，表情極盡變態，令人不寒而慄。
我：「咁樣，好似唔係幾好…如果妳有啲乜嘢需要，我都可以盡量去配合妳嘅。」
Y：「你估下，到咗而家你重有無得話事？」
我：「無…我都無諗住要話乜嘢事。」
Y：「問你吖，你覺得Queenie同我邊個靚啲？你應該唔敢講大話㗎可？」睇嚟我已經肉在砧板上。
我：「我覺得，Queenie靚妳少少…」
Y：「乜嘢叫少少？定係少少已經好多？」
我：「少少…咁妳同佢都係靚嘅女仔，大把女仔喺妳哋之下，所以比較之下…妳同佢距離無咁明顯，所以我覺得係少少咁囉。」




Y：「其實你係咪覺得我好乞人憎？」
我：「又唔會嘅，應該話我同妳唔係幾熟，無乜概念…我相信妳唔係嘅…」
Y：「可能你識得我耐咗，就會覺得我超級勁爆乞人憎呢？」佢到底搞乜可以笑住講句咁嘅嘢？
我：「咁希望唔會啦，靚女多數都好人。」
Y：「唔好諗住講好說話就唔使受罪，我唔受呢套，我份人比起Queenie現實好多。」
我：「係咩，咁不如就唔好同我呢個屋邨仔計較啦，我都無嘢畀到妳嘅。」
Y：「點會，你可以為我帶嚟歡樂，係呢，咁你總共打過Queenie幾多次飛機？」
我：「呢…呢個呢…」
Y：「嗱，我唔係想知佢啲嘢，大把男仔都會J女神，既然你同佢咁friend，打咗幾多次？我係想知你嘅嘢啫，唔關佢事。」
屌…啲女神個個都黐線嘅，不正常人類研究中心係咪佢哋開㗎，似乎係得個唔多出聲嘅Zilvia係正常少少，其他都係癲㗎。




我：「好難畀個準確嘅數妳，我諗…大約五十次到，計晒嘅話…有時會溝埋嚟打。」我都唔識形容，有時睇睇下AV，就會諗返住佢；但有時諗諗下佢，始終未見過件實物，就要開返AV代入下。