W:「你都幾好彩㗎喎,咁多隔籬位friend。」
嚴格嚟講,細龜都係我前面位friend。
龜:「今次真係靠晒你喇。」
我:「咪玩啦,題目都唔知,有乜靠邊個。」
W:「靠你問下Queenie有乜策略點分配嘢畀我哋講嘛。」好明顯,我哋三個都想拋個波畀學霸。
返到屋企之後…
我:「Queenie,口試練習妳打算點?」
佢除緊校裙換返屋企衫,但我已經無心裝載。
Q:「吓,有乜點,到時咪知囉。」
我:「真係完全唔使準備下?有無分工㗎?」


Q:「點分工,set定正反雙方?又唔係辯論。」
我:「妳係咪會帶住我哋講嘢㗎?」
Q:「做乜啫,咁你而家同我講嘢使唔使我帶呀?」
我:「但係考試題目,我哋未必熟㗎嘛。」
Q:「咪又係嗰啲,除非Miss為你度身訂造題目。」
我:「可以…點樣為我度身訂造題目?」
Q:「例如,如何把女神收藏在家而不被發現?」
我:「…」咁妳實fail都似,Yvonne話嘅…
Q:「又或者,如何一腳踏兩船而不會反艇,如何不失霸氣地面對EX,如何被女孩子兜巴升仍保持神態自若。」
我:「喂呀,呢啲關我乜事喎?」


Q:「咁就唔好估啦,到時有十分鐘準備。」
學霸真係學霸,就係同你講坐低就會識考。
就係咁,風平浪靜過咗幾日,我最擔心嘅事都係無發生,Yvonne完全無搵過我,可能佢實在係太忙,又或者只係嗰日心情唔好搵我嚟出氣…無錯,女仔係會M到嘅,只要佢當乜都唔知,我又何嘗唔係可以既往不咎。
反正,我就係同女女玩遊戲嘅專家。
W:「喂,呀爽,velocity同speed有乜分別?」
我:「Velocity有分正同負囉,向前正,向後負,speed最細係零,停咗喺度,velocity可以不停負落去,即係向後褪好快咁行。」
W:「咁對個s有乜影響?」
我:「你要睇distance定displacement喎,speed對distance,前前後後行咗嘅路都計,v就對displacement,兜完一大個圈返去原點,咁s就係零。」其實我都唔太明,如果㗎車轉彎點計?
W:「下年都唔讀…點解重要我考喎…」
星期五,Wendy捉咗我去圖書館溫書,QQ自己亦有節目,各不干涉;其實有時,我望住Wendy個心口好想揸落去;咁唔係話要夾硬嚟,我唔介意佢拒絕,唔介意佢嬲同黑面,只係單純咁想試下…比較擔心嘅係佢會覺得我有意思而默許我咁做,我唔係唔鍾意佢,但始終都係QQ…喺屋企又忍,而家又忍,我就嚟精神失衡,好歹我都係一個調戲女仔嘅天才…睇嚟間唔中我要搵細蚊出嚟做個心理治療至得,不過要同佢講清楚先。
已有 0 人追稿