我怎可能是女神👸🏻獵人🏹（第一季更新至斷更為止）: 761

我無記錯呀可？琴日佢同瘟神慶祝生日都有搽，但明明夜晚返到嚟係有抹走先上床。
Q：「唔記得同你講，今日到我男朋友考完試。」
我：「星期三…中午屋企無人。」
Q：「你想講啲乜呀…」
我：「無呀，日本城賣嗰啲係吸水珠珠，而妳就係噴水豬豬，有教唆人哋衰十一嘅嫌疑。」
Q：「係呀！我去扑嘢重衰過殺人放火！滿意未？」
我：「講笑啫…有人寵幸妳我開心都嚟唔切。」
「啜卟。」我大膽咁惜咗佢嘴仔一下。
我：「玩得開心啲，我今晚使唔使煮埋妳嗰份？」
Q：「預唔使啦，有需要我再message你。」




我：「記住做足安全措施，如果有咗就唔要妳。」
Q：「妖，咪黐線啦，一副葡萄樣咁…自己想要就搵你啲舊情人上嚟啦…」
我：「無喎，去邊度可以搵到啲賣大包嘅情人？」
Q：「唔知你，有定無你自己心知肚明。」
佢講嘅的確係事實…我諗…如果我打個電話畀細蚊，佢就可以即刻上嚟同我胡天胡帝，無論QQ同條仔做緊乜我都可以做返一模一樣，更過火都得，因為細蚊一定會乖乖聽我話幫我口爆吞埋…
過咗陣QQ就出門口，唔關我事，我繼續享受假期打飛機，係Ace Combat 7嗰隻呀！
開心嘅時間過得特別快，打完幾隻飛機，射到鋪天蓋地打埋落海QQ就返到屋企。
我：「嗯，妳仔仔無同妳慶祝生日？」見佢兩手空空，神情亦都無乜特別。
Q：「乜喎，我同佢成日見，使乜咁早慶祝，一早就留咗正日畀佢啦，係瘟神呢啲時日無多先借啲意夾硬搵個理由約我出嚟啫。」
我：「做乜講到佢好似就嚟往生咁…好歹人哋都送咗份價值不菲嘅禮物畀妳，妳仔仔都好似無咁大手筆。」我望一望佢枱面隻生果錶。




Q：「呢個唔係錢問題囉，我又唔可以賣走佢嘅，瘟神一日喺學校我就點都要攞嚟戴下嘅，啲電子嘢每年換新款，到佢畢業嗰陣隻嘢都已經唔值錢啦！」真陰功，瘟神送啲咁貴嘅嘢畀功利嘅女神。
我：「但係…隻錶都好靚吖，妳用iPhone應該都幾啱使㗎。」
Q：「咁我唔係太鍾意戴錶吖嘛，又唔想俾我男朋友見到，多樣嘢會令我產生麻煩。」
我：「其實…Apple Watch有乜用㗎？」
Q：「咪又係接下電話，睇下通知…控制下個music player咁。」
我：「咁睇嚟，靚先係隻錶最大嘅用途。」
現代人個個都機不離手，點解唔直接睇電話呢？
Q：「唉，你太少見識喇，我話你知乜嘢係靚啦。」
講完QQ就霸咗我個電腦位，強行打開咗個chrome，畫面顯示住啲AV作品嘅縮圖，QQ完全無視眼前睇到嘅嘢，打開咗個新tab，去咗LV個官網，果然富家女鍾意嘅都唔方係好嘢。
Q：「點呀，夠靚未？」