我怎可能是女神👸🏻獵人🏹（第一季更新至斷更為止）: 789

我：「唔好咁啦…無拖拍…起碼唔使俾人呃先吖，唔好以為有仔一定好開心，分分鐘喊死妳。」
B：「你覺得乜嘢男仔會適合我？」
我：「我諗呢…首先一定要好鍾意運動嘅，如果唔係點同你玩喎，最好就高高大大，黑黑實實，如果唔係喺床上面俾妳壓死點算…」
B：「你係咪活得唔耐煩呀？！」
唔知點解，我有時會覺得激下女仔係一件好快樂嘅事情嚟…
我：「無…我想講妳身材有令人窒息嘅風險啫，不過呢，如果呢啲男仔太靚仔就會好危險，分分鐘呃女無數，妳自己衡量下啦，隨時送羊入虎口㗎咋，所以呢，最好就搵個內向怕醜少少，唔太識同人溝通嘅，咁妳就可以主動返少少嘅…」
B：「嗯，你講得好似都幾啱…如果，有個咁嘅哥哥可以教我玩滑浪風帆就好。」
呢個Bubble…平時睇落正正經經，原來假㗎，而家嘅佢彷彿已經性幻想緊在大海中心呼喚性愛嘅情節，口水都流埋出嚟咁；睇落兇多吉少，學Carmen話齋呢啲女仔通常都俾人呃好難走得甩…
我：「乜女童軍入面無得玩咩？」
B：「無喎，得獨木舟，一早已經玩完。」


我：「奉勸妳一句，妳唔係太適合玩水上活動。」
B：「有乜可能呀，我游水好叻㗎喎。」
咁睇個樣我都知嘅，一對浮波喺心口想沉都難。
我：「師姐，喺船上面都唔可以玩陀螺啦，妳明嘅…」
B：「完全唔明喎，乜鬼陀螺呀？」
我：「Bubble師姐…妳會搞到個海波濤胸湧呀！」
B：「唔得喇，我真係要教訓下你！」
我：「喂喂喂…唔好咁喎，妳想點呀？！嘩呀！做乜扭我手臂啲肉呀！唔好…呀！男女授受不親…」
B：「對住你，授受不親行唔通囉！」
Bubble佢好大力，重殘暴過Carmen，好似想扭甩我啲肉咁…好懷念以前同Carmen一齊嘅日子，如果我重係好似以前咁自由自在通街躝，一定會即刻瓹入Bubble心口入面扭計，刺激到佢母性發作…


我：「唔好再扭我呀…妳去搵個六嚿腹肌嘅滑浪風帆教練哥哥扭啦。」
B：「嗯，啱聽，咁就差唔多。」
一塊風帆板，一個高大威猛黑黑實實嘅六嚿腹肌哥哥，一個著住唔啱size比堅尼心口可以呼風喚乳嘅姐姐，去到大海中心重有乜好做？呢個畫面呢，真係…
我：「Bubble妳鹹濕喇…」
B：「乜喎！剩係得你哋可以昅女㗎咩？我哋女仔都有人權㗎！」
我：「可以…六嚿腹肌再摸落少少，有六吋鋼炮。」
B：「喂呀，唔準玩師姐呀…明知…人哋都未掂過呢啲嘢，我怕醜㗎…」
係囉，咁先係正常嘅女仔嚟㗎嘛，唔似得啲司機女神交配當食生菜，不知廉恥咁摷人哋啲鹹片出嚟睇，重會八掛我點diy，加埋重有個離譜嘅Y女神…