我怎可能是女神👸🏻獵人🏹（第一季更新至斷更為止）: 790

呢個時候Bubble塊面重紅過咕嚕肉啲食用色素，可以將一個本來認真嘅處女姐姐玩到咁都真係幾刺激，可惜我已經唔再係一個有食錯無放過嘅男仔。
回想起同細蚊嘅第一次，佢飲到醉醉地之後就俾我拖咗返屋企，再迷迷糊糊咁同我做埋，實在係非常之咁大嘥，可惜歷史並不可能重來。
我：「妳而家個樣好可愛，用嚟識男仔就啱晒。」
B：「邊度有男仔俾我識喎。」
我：「記住而家個樣，第時見到鍾意嘅男仔就諗返起枝六吋鋼炮就得㗎喇。」
B：「喂呀！」真係唔適宜再玩落去，再玩就隨時一地水，不過以Bubble嘅身形，唔係六吋鋼炮又點襯得起佢喎。
我：「好好好，我收聲…希望妳唔會因為六嚿腹肌蝕底俾啲壞男人啦。」例如我，不過我已經從良。
B：「我點肯定人哋係咪衰人喎，要蝕底都無辦法㗎。」係嘅…只要心動…面紅…起水…直接收埋皮。
我：「至少…如果妳遇到佢哋亂嚟，心入面係有猶䂊，只要有一絲唔願意，記住要用力㧬開人呀，唔係嘅話第時實後悔死妳。」
B：「知喇，你當我傻嘅咩，不過，你又做乜對我咁好，明明你係男仔嚟，但就擔心我俾人呃。」




我：「因為…因為…咁我都唔呃妳，所以咪唔想妳俾其他人呃囉，如果唔係感覺蝕咗。」
B：「哈哈，你唔係諗住氹得掂Carmen就會氹得掂我呀？」講就咁講，但見佢幾開心。
我：「未試過無人知，唔試就一定唔得。」
B：「阿爽，夠喇，唔好再玩師姐，不過你都幾得意嘅，不如我哋做個朋友？」
唔知有幾耐，無再聽過呢啲咁純真嘅對話；小學嗰陣，再鍾意發脾氣就同人講，唔同你做friend啦！結果到咗第二日，無其他人同自己玩又下咗啖氣，就會同對方講，算啦，都係friend返啦…
我：「只要係靚女，本身就係我嘅朋友嚟。」
B：「即係點呀，唔肯同我做friend呀？」
我：「唔係呀！唔係…妳係我朋友嚟。」
B：「算你啦，不過係friend都好，決賽係唔會輸比你哋嘅，你等睇搞咁多嘢得個桔啦。」
我：「是但啦，又唔係我嘅夢想嚟，唯有聽天由命，睇佢做化喇，可能佢想贏波多啲。」




B：「你覺得如果俾佢揀，佢會想贏波定揸波？」
我：「嗯…佢會讕正經咁話，社長搵得我踢波當然係為咗幫妳贏波，點會係揸妳對波喎，然後返到屋企係咁揼春，不停幻想妳對大波波。」
B：「都唔知係咪，個個好似你咁鹹濕咩。」
我：「或者我下次氹佢講出嚟再錄音。」
B：「唔準呀，無興趣聽你哋喺背後點講我呀…好嘞，我要返屋企浸定啲菜，有機會再同你吹水啦。」