我怎可能是女神👸🏻獵人🏹（第一季更新至斷更為止）: 791

我：「Bye bye妳條尾。」本來想bye bye佢對波，不過都係算啦，一陣bye完無咗就唔係幾好。
好，一切都已經準備妥當，只欠東風，贏埋波之後死人瘟神，傻仔健，大波師姐都會按照我嘅計劃嚟進行…嗯，是但啦，我已經做咗該做嘅事。
“Carmen姐姐，妳對波好大，可唔可以揸下？”
“打你㗎！”
“打得喇。”
“黐乜嘢線呀！？啪！”
“打下有得揸對咁靚嘅波，抵晒啦。”
“啪，啪，啪！”
“打者愛也呀。”
“咁再打多幾下㗎喇！”




“上我屋企，我除褲畀妳打pat pat。”
“怕你呀？好大力㗎，會變紅同裂開！”
結果，嗰晚佢愛完我屁股後我又愛返佢屁股，就係咁，佢完全忘記咗失戀嘅傷痛，而我亦都第一次睇到真實嘅女仔下面。
之後嘅就，唉…每次經過球場都會諗起佢。
最後都係返中心打咗兩場乒乓波，費事呃QQ。
沖完涼，QQ又唔知係喺度整理緊IG定直播account，攤咗喺梳化上面，姿勢非常之咁性感，鬆婄婄嘅真理褲罅入面有一條布甸色底褲，之但係我本身就唔使睇得咁辛苦。
我：「Queenie女神…」
Q：「做乜呀？」佢燃燒緊嘅腦袋突然變成空轉…
我：「可唔可以抱下呀？」
佢無問點解，亦無用懷疑嘅眼神望住我，就即刻彈咗起身攬住我，咁好嘅女仔都唔知喺邊度搵；我認我係鹹濕，見到邊個女仔都會好想抱住佢哋，縱使…我唔係話鍾意Bubble，但…而家嘅我都唔應該咁做，好彩屋企重有個QQ喺度，如果唔係我都唔知點生活落去；雖然，應該會去識新女。




Q：「無乜事吖嘛你？」
我：「擔心聽日派卷啲科目啫。」我隨口噏。
Q：「應該無嘢嘅，你起碼知康有為同梁啟超係邊個。」其實到今日我已經唔記得晒。
我：「多謝妳，咁我去整嘢食喇。」
Q：「嗯，快啲啦，如果唔係餓死我。」
「啜卟。」我偷惜咗佢嘴仔一啖，然後就入咗廚房；衰妹QQ有禮物收就走去惜瘟神，肯定唔當惜惜係一回事，既然係咁，我又有樣學樣。
不過，惜就簡單呀，有啲嘢就點都講唔出口。
正所謂，多做事少說話係美德…所以，做愛好容易，用心去愛人好難…
星期二派卷，幸好我啲文科都可以低空掠過，全部合格晒；靠蠻力死背嘅Wendy就科科都多我十分八分咁，算係放下心頭大石，雖然我就唔覺得有一兩科唔合格嘅話會點影響升班，尤其係如果諗住讀文科嘅話。對完卷，先生派揀科指南，話畀你聽可以讀有乜組合，話就話分文理商班，聽聞如果時間砌到嘅話，讀chem加BAFS加文學都無話唔得嘅，然後先生會求祈安你入一班，你就可以走來走去識到好多人…當然我唔會咁做。