我怎可能是女神👸🏻獵人🏹（第一季更新至斷更為止）: 834

「可唔可以幫我哋影幅相呀？」係三個乖女仔，係掛，我鬼識分咩，咁多人都唔知邊個打邊個。
我剩係知而家啲小朋友過得好富貴，個個都係iPhone pro嚟，好彩我都有YY借畀我嗰部。
Y：「我返嚟喇。」當然無咗上身件衫。
我：「妳上面都幾OK㗎喎…」
今次，我係由心咁讚佢嘅，以港女妹妹仔嚟講，坐B望C都算係咁啦，又襯返佢個身型，加埋非常搶鏡嘅橙色bikini，雪白奶滑嘅北半球，輕輕一唧有條恰到好處嘅乳溝，唔會令人覺得係heavy嘅淫奶，反而有啲羞澀青春嘅感覺，好想真正揸落去呀！唉…要知道屋企嗰對係有得睇無得摸，我上一次掂嘅波都重係細蚊嗰塊。
細蚊，對唔住，我係真心對妳嘅，無論我同妳係乜嘢關係，但單論奶力天梯表嘅話，我無可能揞住良心評價。
Y：「唔該，我係不朽都有波㗎囉，係你眼中剩係見到Queenie咋嘛，唔該唔好用佢嘅怪物身材嚟同我比，都唔知佢食乜大嘅…」
食乜…文華蝦餃？水仙花牌五香肉丁？
我：「重以為妳下面都會show晒出嚟添。」
佢都幾搞笑，著長衫嗰陣就透橙底，除完衫反而著返條白色波褲，都係交叉…off white牌嘅，不過一樣繼續透橙，同埋條繩頭飛咗出嚟。




Y：「襯返你吖嘛，低B仔，我驚你流鼻血失禮死人呀。」雖然係扮做我條女，但繼續每句串串貢。
我：「定係你驚啲小朋友睇到扯晒唔好意思咋？」唔可以縮！對住女魔頭要有返啲氣勢。
Y：「唔知今朝係邊個光脫脫咁向我敬禮呢？」
我：「當時太突然，意外嚟啫，唔會再發生。」
係囉，喺屋企對住QQ都唔會硬足全日啦，按道理我條小寶貝應該好高道行，加埋YY又唔係我鍾意嘅女仔，只係外表都幾正啫…唔得，唔應該亂諗，我今日只係嚟幫佢撐場。
Y：「咪讕醒啦，幫我影幅相先。」當然用我電話，反正影完係佢嘅。
Q‘：「嘩！Yvonne妳好正呀！」
我相都未影完佢就撲咗埋去，雙手放喺YY心口上面略為用力，嚟一個女子版嘅鹹豬手胸襲。
Q’：「唔介意我借你女朋友嚟用一用呀可？」
我：「欸…隨便啦，妳問佢就得…」




企喺隔籬嘅Gabriel明顯一面尷尬，係嘅，有邊個男仔唔想渣波吖，就算無得掂都會想望，YY今日係我條女當然點睇都無所謂，但佢隻眼就實在唔知放邊度好；其實…我無所謂㗎喎，隨便昅啦。